الەۋمەتتىك جەلىدەگى زاڭعا قايشى ماتەريالدار بۇعاتتالدى

ق ر پرەمەر-مينيسترىنىڭ ورىنباسارى ەرالى توعجانوۆ وسىلاي دەدى.

بيىل الەۋمەتتىك جەلىلەردەگى زاڭعا قايشى 36 484 ماتەريال بۇعاتتالدى، دەپ حابارلايدى Almaty-akshamy.kz

«اقپارات جانە قوعامدىق دامۋ مينيسترلىگى عالامتوردا قولجەتىمدى رەسۋرستار مەن الەۋمەتتىك جەلىلەردى تاۋلىك بويى قاداعالايدى. زاڭنامانى بۇزۋ فاكتىلەرى انىقتالعان جاعدايدا ينتەرنەترەسۋرستىڭ اكىمشىلىگىنە ەسكەرتۋلەر مەن حابارلامالار جولدانادى. ەسكەرتۋلەر تۇزەتىلمەگەن بولسا، ينتەرنەت-رەسۋرس سوت شەشىمىمەن زاڭنامادا بەلگىلەنگەن تارتىپپەن بۇعاتتالادى. جاريالانعان ماتەريالداردا قىلمىستىق ىس-ارەكەتتىڭ بەلگىلەرى انىقتالسا، ولاردىڭ اۆتورلارى مەن تاراتۋشىلارى قىلمىستىڭ جاۋاپكەرشىلىككە تارتىلادى»، - دەدى ەرالى توعجانوۆ.

ونىڭ اتاپ وتۋىنشە، زاڭعا قايشى كونتەنتتىڭ تارالۋىنا جول بەرمەۋ ماقساتىندا ۋاكىلەتتى ورگاندار ۆكونتاكتە، ودنوكلاسسنيكي، Mail.ru، Livejournal، Facebook، Instagram الەۋمەتتىك جەلىلەرىنىڭ اكىمشىلىگىمەن تىعىز ىنتىماقتاستىق ورناتقان.

«2022 جىلى اقپارات جانە قوعامدىق دامۋ مينيسترلىگى جۇرگىزگەن مونيتورينگتىڭ ناتيجەسىندە 36 484 زاڭعا قايشى ماتەريال بۇعاتتالدى»، - دەدى ۆيسە-پرەمەر.

ۇكىمەت باسشىسى ۇسىنعان دەرەككە سايكەس، اتالعان ماتەريالداردىڭ 35 مىڭنان استامى تەرروريزم، ءدىني جانە ەتنيكالىق ەكسترەميزم يدەولوگياسىن تاراتۋ؛ 332ء-سى ەسىرتكى قۇرالدارىن ناسيحاتتاۋ جانە تاراتۋعا؛ 3 531ء-ى پورنوگرافيانى، قاتىگەزدىك پەن ءسۋيسيدتى ناسيحاتتاۋعا؛ 32ء-سى ار-نامىسقا ءتىل تيگىزۋ، بيلىكتى قورلاۋعا، 111-گە جۋىعى جالعان اقپارات تاراتۋعا قاتىستى بولدى.