دايىندىق كەزەڭى وقۋ-ماتەريالدىق بازانى جاڭارتۋ، ينفراقۇرىلىمعا قىزمەت كورسەتۋ جانە پوليگونداردى جارىلىس ءقاۋپى بار زاتتاردان تازارتۋ شارالارىن قامتيدى.
قازىرگى ۋاقىتتا قارۋلى كۇشتەردە ەل پرەزيدەنتى – جوعارعى باس قولباسشى قاسىم-جومارت توقايەۆتىڭ قازاقستان ارمياسىنىڭ جاۋىنگەرلىك قابىلەتىن تۇبەگەيلى ارتتىرۋ جونىندەگى تاپسىرمالارى ىسكە اسىرىلۋدا، دەپ حابارلايدى Almaty-akshamy.kz ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
مامىر ايىنىڭ سوڭىنا دەيىن سوزىلاتىن دايىندىق كەزەڭىندە قارۋ-جاراق پەن اسكەري تەحنيكانى دايىنداۋ، وقۋ-ماتەريالدىق بازاعا قىزمەت كورسەتۋ جانە ونى دامىتۋ شارالار كەشەنى وتكىزىلەتىن بولادى.
ارنايى قۇرىلعان كوميسسيالار جازعى وقۋ كەزەڭىنە دايىندىقتى باقىلاۋدى جۇزەگە اسىراتىن بولادى.
جاۋىنگەرلىك دايارلىق پروسەسىندە قارۋلى كۇشتەردەگى اسكەري قىزمەتشىلەردىڭ قاۋىپسىزدىگى مەن دەنساۋلىعىن ساقتاۋ شارالارىن زەردەلەۋ بويىنشا تەوريالىق جانە پراكتيكالىق ساباقتارىن وتكىزۋ جوسپارلانعان. وسى ۋاقىتتا قىسقى وقۋ كەزەڭىندەگى جاۋىنگەرلىك دايارلىق ءىس-شارالارى بارىسىندا الىنعان تاجىريبەنى ەسكەرە وتىرىپ، جاڭا وقۋ جىلىنا باسقارۋ ورگاندارىن، قۇرامالار مەن اسكەري بولىمدەردى دايارلاۋ شارالارىن جوسپارلاۋعا ەرەكشە نازار اۋدارىلاتىن بولادى.
دايىندىق كەزەڭى اياقتالعان سوڭ قازاقستان قارۋلى كۇشتەرى قۇرامالارى مەن اسكەري بولىمدەرىنىڭ ازىرلىگى قارالادى.