قازاقستانداعى مۇناي وڭدەۋ زاۋىتتارىن جوندەۋ جۇمىستارى كەيىنگە شەگەرىلمەك

كوكتەمگى ەگىس اياقتالعاننان كەيىن عانا جوندەۋگە جابىلۋى كەرەك.

ق ر ەنەرگەتيكا ءمينيسترى بولات اقشولاقوۆ ەلدەگى مۇناي وڭدەۋ زاۋىتتارىن جوندەۋ جۇمىستارىنىڭ ەگىنشىلەر ءۇشىن ماڭىزدى ناۋقانمەن قاتار كەلمەۋىنە كۇش سالىنىپ جاتقانىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«مۇناي وڭدەۋ زاۋىتتتارىنىڭ جوندەۋ مەرزىمىن اۋىلشارۋاشىلىق تاۋار وندىرۋشىلەرگە ديزەل وتىنىن جونەلتۋ كەزەڭىمەن ۇيلەستىرۋ باعىتىندا مىناداي شارالاردى قولعا الماقشىمىز. اۋىلشارۋاشىلىق تاۋار وندىرۋشىلەردىڭ قاجەتتىلىگىنە كەرەك ديزەلدىك وتىندى جونەلتۋ 2022 جىلدىڭ اقپان ايىنان باستالادى. بۇل كوبىنەسە وڭتۇستىك وڭىرلەرگە قاتىستى. جىل سايىن بۇل ماقساتقا 800-850 مىڭ توننا ءبولۋ جوسپارلانعان. بۇل ەكى ماۋسىمعا دەگەن ءسوز. ياعني، ەگىس جانە وراق ناۋقانىنا باعىتتالادى»، - دەدى مينيستر.

سونداي-اق ول بيىل جوندەۋدەن وتەتىن ەكى زاۋىتتىڭ جوندەۋ مەرزىمى شەگەرىلەتىنىن ەسكەرتتى.

«شىمكەنتتەگى مۇناي وڭدەۋ زاۋىتىنىڭ جوندەۋ مەرزىمىن 2022 جىلدىڭ قاراشاسىنان 2023 جىلعا جىلجىتۋ ماسەلەسى بويىنشا جۇمىس ءجۇرىپ جاتىر. ال پاۆلودارداعى زاۋىتتى جوندەۋ مەرزىمىن بيىلعى ماۋسىم ايىنان شىلدەنىڭ ورتاسىنا جىلجىتۋ كوزدەلىپ وتىر. ياعني، جوندەۋ جۇمىستارى كوكتەمگى ەگىس اياقتالعاننان كەيىن عانا جوندەۋگە جابىلۋى كەرەك»، - دەدى بولات اقشولاقوۆ.