ءموبيلدى بريگادالار كوروناۆيرۋستىق ينفەكسياعا كۇدىكتى نەمەسە ناۋقاس پاسيەنتتەرگە ۇيدە ۋاقىتىلى مەديسينالىق كومەك كورسەتۋ ءۇشىن ۇيىمداستىرىلدى.
COVID-19 تارالۋىنا جول بەرمەۋ جونىندەگى ۆاك-تىڭ مالىمەتى بويىنشا، ءقازىر 3054 ءموبيلدى بريگادا جۇمىس ىستەيدى، رەزەرۆتە تاعى 1622 بريگادا بار، دەپ حابارلايدى Almaty-akshamy.kz
قر-دا ءجىتى رەسپيراتورلىق اۋرۋ بەلگىلەرى بار، كوروناۆيرۋستىق ينفەكسياعا كۇدىكتى نەمەسە ناۋقاس پاسيەنتتەرگە ۇيدە ۋاقتىلى مەديسينالىق كومەك كورسەتۋ ءۇشىن ەمحانالار دەڭگەيىندە ءموبيلدى بريگادالار ۇيىمداستىرىلدى.
بۇگىنگى تاڭدا 3054 ءموبيلدى بريگادا جۇمىس ىستەيدى، رەزەرۆتە تاعى 1622 بريگادا بار. مب قۇرامىنا ۋچاسكەلىك دارىگەر (تەراپيەۆت، پەدياتر، جالپى پراكتيكا دارىگەرى) جانە/نەمەسە ۋچاسكەلىك مەيىربيكە، فەلدشەر، اكۋشەر، دەنساۋلىق ساقتاۋ سالاسىنداعى الەۋمەتتىك قىزمەتكەر، جۇرگىزۋشى كىرەدى.
ءموبيلدى بريگادانىڭ قۇرامى پاسيەنتكە ۇيدە قىزمەت كورسەتۋ كەزىندە ورىندالاتىن فۋنكسياعا بايلانىستى، سونداي-اق ەپيدەميولوگيالىق جاعدايدى ەسكەرە وتىرىپ، COVID-19 بار ناۋقاستاردىڭ قۇرىلىمىنا سۇيەنە وتىرىپ قالىپتاستىرىلادى. قاجەت بولعان جاعدايدا مب قۇرامىنا بەيىندى ماماندار تارتىلۋى مۇمكىن.
ۇيگە شاقىرۋعا قىزمەت كورسەتۋ كەزىندەگى مب نەگىزگى فۋنكسيالارى:
-COVID-19 بار پاسيەنتتەرگە جانە ۇيدە وقشاۋلانعان بىرگە تۇراتىن وتباسى مۇشەلەرىنە كەڭەس بەرۋ جانە تەكسەرۋ؛
-COVID-19 كوروناۆيرۋستىق ينفەكسياسى بار جانە اۋرۋدىڭ ورتاشا اۋىر، اۋىر تۇرىنە شالدىققان جانە پاسيەنتتى قاراپ-تەكسەرۋ، ەمدەۋدى تاعايىنداۋ جانە ونىڭ جاي-كۇيىن باقىلاۋ ارقىلى ستاسيوناردان امبۋلاتوريالىق ەمدەۋ كەزەڭىنە شىعارىلعان پاسيەنتتەرگە بارۋ؛
- پوليمەرازدى تىزبەكتى رەاكسيا (پتر)ادىسىمەن سOVID-19-عا كۇدىكتى پاسيەنتتەردەن بيولوگيالىق ماتەريالدار ۇلگىلەرىن الۋدى جۇرگىزۋ؛
- دارىلىك زاتتاردى «COVID-19 كوروناۆيرۋستىق ينفەكسياسى» دياگنوستيكاسى مەن ەمدەۋدىڭ كلينيكالىق حاتتاماسىنا سايكەس تاعايىنداۋ؛
-قاجەت بولعان جاعدايدا تەگىن جانە (نەمەسە) جەڭىلدىكپەن قامتاماسىز ەتۋ ءۇشىن دارىلىك زاتتار مەن مەديسينالىق بۇيىمداردىڭ تىزبەسىنە سايكەس ۆيرۋستىق پنيەۆمونيا جانە COVID-19 بار پاسيەنتتەرگە دارىلىك زاتتاردى جەتكىزۋ؛
- دارىگەردىڭ تاعايىنداۋى بويىنشا COVID-19 بار پاسيەنتتەرگە ەمشارالار مەن مانيپۋلياسيالار جۇرگىزۋ؛
-قاجەت بولعان جاعدايدا COVID-19- بار پاسيەنتتەردى كت جانە رەنتگەن دياگنوستيكاسىنا مەديسينالىق كورسەتكىشتەر بويىنشا جەتكىزۋ جانە كەرى قايتارۋ، سونداي-اق، جەدەل مەديسينالىق كومەك جەتكىزۋدى جۇزەگە اسىرۋ؛
-مەديسينالىق كورسەتكىشتەر بويىنشا COVID-19 بار پاسيەنتتەردى ينفەكسيالىق جانە پروۆيزورلىق ستاسيونارلارعا ەمدەۋگە جاتقىزۋ، پاسيەنتتىڭ جاعدايىنا قاراي، وزگە جاعدايلاردا ەمدەۋگە جاتقىزۋدى جەدەل مەديسينالىق جاردەم بريگاداسى جۇزەگە اسىرادى؛
- اۋرۋحانادان تىس پنيەۆمونيا جانە COVID-19 بار پاسيەنتتەرگە ۇيدە ستاسيونار جۇرگىزۋ؛
- قولحات بەرە وتىرىپ، ۇيدە وقشاۋلاۋدى ساقتاۋ شارتتارى تۋرالى حابارلاما؛ پاسيەنتتى ناۋقاستى نەمەسە كۇتىمدى جۇزەگە اسىراتىن ادامدى ءوزىن-وزى باقىلاۋ چەك-پاراعىن تولتىرۋدى ۇيرەتۋ تۋرالى COVID-19 بار پاسيەنتتەردى حاباردار ەتۋ.
مب تىركەلگەن حالىق سانىنا بايلانىستى 5000 جانە ودان دا كوپ حالىققا 1 بريگادا ەسەبىنەن، سونداي-اق ەپيدەميولوگيالىق جاعدايدى ەسكەرە وتىرىپ، باقىلاۋعا جاتاتىن شىعۋلار مەن پاسيەنتتەر سانىنا ۇيىمداستىرىلادى.
اۋىل دەڭگەيىندە دارىگەرلىك امبۋلاتوريانىڭ جانە العاشقى مەديسينالىق-سانيتارلىق كومەك ورتالىعىنىڭ جانىنان كەمىندە ءبىر مب قۇرىلادى.
ءموبيلدى بريگادالاردىڭ جۇمىس ۋاقىتى تاڭعى 08.00-دەن كەشكى 20.00-گە دەيىن. ساعات 20.00-دەن كەيىن شاقىرتۋلارعا قىزمەت كورسەتۋ ءۇشىن شاقىرتۋ ساناتىنا قاراماستان جەدەل مەديسينالىق كومەك (103) جۇزەگە اسىرادى. سونىمەن قاتار، قاجەت بولعان جاعدايدا، ەپيدەميولوگيالىق جاعدايدى ەسكەرە وتىرىپ، ءوڭىردىڭ دەنساۋلىق ساقتاۋ باسقارماسىنىڭ بۇيرىعىمەن كۇندەلىكتى جۇمىستىڭ وزگە ۇزاقتىعى بەلگىلەنۋى مۇمكىن.