باس اۋرۋىنىڭ جەدەل مەديسينالىق كومەكتى قاجەت ەتەتىن بەس بەلگىسى

نيەۆروپاتولوگ دارىگەر ۇزاققا سوزىلعان باس اۋرۋى كەزىندە دەرەۋ دارىگەرگە قارالۋ كەرەگىن ايتتى.

بريتاندىق نيەۆروپاتولوگ موحان سەكەرام باس اۋىرعان كەزدە ادامعا شۇعىل تۇردە دارىگەردەن كومەك سۇراۋ كەرەكتىگىن كورسەتەتىن ءبىرقاتار بەلگىلەردى اتادى، دەپ حابارلايدى Almaty-akshamy.kz Medic Forum سايتىنا سىلتەمە جاساپ.

ۇزاق ۋاقىتقا سوزىلعان اۋىرسىنۋدىڭ نەگىزگى سەبەپتەرىنىڭ ءبىرى ناۋقاستىڭ ءومىر سالتى بولۋى مۇمكىن. اۋىسىمدىق جۇمىس، تۇنگى بەلسەندىلىك، كوفەنى مولشەردەن ارتىق ءىشۋ، كومپيۋتەردە جۇمىس ىستەۋ كەزىندە بۇلشىق ەتتەردىڭ زورىعۋى - مۇنىڭ ءبارى باس اۋرۋىنىڭ حابارشىسى. سونىمەن قاتار، بۇل سترەسس نەمەسە ۇيقىنىڭ بۇزىلۋىنا بايلانىستى، سونداي-اق پسيحيكالىق دەنساۋلىعىندا پروبلەمالارى بار ادامداردا پايدا بولۋى مۇمكىن.

مامانعا شۇعىل قارالۋدى قاجەت ەتەتىن بەس نەگىزگى بەلگى:

- كوزدىڭ بۇلىڭعىرلانۋى نەمەسە قوسارلانىپ كورىنۋ،

- باس اۋرۋىمەن بىرگە جۇرەتىن قۇسۋ،

- باس اۋرۋى ۇيىقتاۋعا كەدەرگى كەلتىرۋى،

- مويىننىڭ قۇرىسىپ قالۋى جانە دەنە تەمپەراتۋراسىنىڭ جوعارىلاۋى،

- اۋىرسىنۋدىڭ اسقىنىپ، اۋىرسىنۋدى باساتىن دارىلەردىڭ قاجەتتى ناتيجە بەرمەۋى.

وسى بەلگىلەردىڭ كەز كەلگەنى ومىرگە ءقاۋىپ توندىرەتىن اۋىر ىشكى پاتولوگيالاردىڭ بولۋىن كورسەتەدى.

بۇعان دەيىن جوعارى ساناتتى كارديولوگ-دارىگەر سەرگەي يۆانوۆ قان قىسىمى جوعارى ادامدارعا ۇزاق ۋاقىت جۇرۋگە بولمايتىنىن ايتقان. سەبەبى مۇنىڭ سالدارى دەنساۋلىققا وتە ءقاۋىپتى.  يۆانوۆ گيپەرتونيانىڭ سالدارىنان قان تامىرلارىنىڭ ىشكى قاباتى بۇزىلىپ، اتەروسكلەروزدىڭ دامۋىنا اكەلەتىنىن ايتتى.