جەڭىل كولىكتىڭ ەڭ كوبى الماتى وبلىسى مەن قالاسىندا.
ۇلتتىق ستاتيستيكا اگەنتتىگىنىڭ مالىمدەۋىنشە، 2022 جىلعى ماۋسىمدا قازاقستان رەسپۋبليكاسىندا 95 801 جەڭىل اۆتوموبيل ەسەپكە قويىلدى، بۇل 2021 جىلدىڭ وسى كەزەڭىمەن سالىستىرعاندا 6،5%-عا از، دەپ حابارلايدى Almaty-akshamy.kz.
2022 جىلعى 1 شىلدەدەگى جاعداي بويىنشا، قازاقستان رەسپۋبليكاسىندا 3 907،2 مىڭ اۆتوموبيل تىركەلگەن.
«شىعارىلعان جىلى بويىنشا جەڭىل اۆتوموبيلدەر اۆتوپاركىندە 20 جىل بۇرىن شىعارىلعان اۆتوموبيلدەر باسىم – 48،9%، ال 3-تەن 7 جىلعا دەيىنگى كولىكتەر 6،8%»، دەپ مالىمدەدى ۇلتتىق ستاتيستيكا اگەنتتىگى.
جەڭىل اۆتوموبيلدەردىڭ باسىم بولىگى الماتى وبلىسىندا – 501،5 مىڭ بىرلىك، الماتى قالاسىندا – 463،7 مىڭ بىرلىك جانە نۇر-سۇلتان قالاسىندا – 285،4 مىڭ، جەڭىل كولىكتىڭ ەڭ ازى – قىزىلوردا وبلىسىندا 97،3 مىڭ بىرلىك.
جەڭىل اۆتوكولىكتەر جانارماي رەتىندە نەگىزىنەن بەنزيندى پايدالانادى (86،7%)، كولىك قۇرالدارىنىڭ 9،1% ارالاس وتىنمەن جۇرەدى.
2022 جىلعى 1 شىلدەدەگى جاعداي بويىنشا، قازاقستان رەسپۋبليكاسىندا تىركەلگەن جەڭىل اۆتوموبيلدەردىڭ جالپى سانىندا قوزعالتقىش كولەمى بويىنشا 1500-دەن 2000 تەكشە/سم دەيىنگى اۆتوموبيلدەر باسىم – 1 749،3 مىڭ بىرلىك.