الەۋمەتتىك جەلىلەر مەن مەسسەندجەرلەردە الماتى مەكتەپتەرىندە بالالاردى تەگىن تاماقتاندىرۋ ءۇشىن باستاۋىش سىنىپ اتا-انالارى ءبىرقاتار قۇجات جيناۋى كەرەك دەگەن اقپارات تاراپ جاتىر.
الايدا بۇل اقپارات شىندىققا جاناسپايدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
تەگىن تاماققا قاتىستى تاراپ جاتقان اقپاراتتا اتا-انادان مەكتەپ ديرەكتورىنىڭ اتىنا ءوتىنىش، بالانىڭ تۋۋ تۋرالى كۋالىگىنىڭ كوشىرمەسى، اتا-اناسىنىڭ نەكە تۋرالى كۋالىگى، اتا-اناسىنىڭ جۇمىس ورنىنان انىقتاما (سوڭعى 6 جىلداعى تابىسى) تالاپ ەتىلەتىنى ايتىلعان. ەگەر جالعىز باستى انا بولسا، حقو-دان انىقتاما كەرەك. جالپى 15 ءتۇرلى قۇجات.
قالالىق ءبىلىم باسقارماسى 2022 جىلدىڭ 1 قىركۇيەگىنەن باستاپ مەملەكەتتىك مەكتەپتەردىڭ 1-4 سىنىپ وقۋشىلارىنىڭ بارلىعى الەۋمەتتىك جاعدايىنا قاراماستان تەگىن ىستىق تاماقپەن قامتاماسىز ەتىلەتىنىن، بۇل ءۇشىن ەشقانداي قۇجات تالاپ ەتىلمەيتىنىن اتاپ ءوتتى.
«ق ر ۇكىمەتىنىڭ 2008 جىلعى 25 قاڭتارداعى قاۋلىسىنا سايكەس، حالىقتىڭ الەۋمەتتىك وسال توپتارىنا جاتاتىن 5-11 سىنىپ وقۋشىلارى تەگىن تاماقتاناتىن بولادى»، - دەپ حابارلادى باسقارمادان.
سونداي-اق، ءبىلىم باسقارماسى الەۋمەتتىك جەلىلەر مەن مەسسەندجەرلەردە تاراپ جاتقان اقپاراتتىڭ شىندىققا جاناسپايتىن ايتتى.