قازاقستانداعى ەپيدەميولوگيالىق احۋال قاناعاتتانارلىق دەڭگەيدە

تاۋلىگىنە 10-15 جاعداي عانا تىركەلىپ وتىر.

ق ر دەنساۋلىق ساقتاۋ ءمينيسترى اجار عينيات ەلدەگى ەپيدەميولوگيالىق احۋالدى قاناعاتتانارلىق دەڭگەيدە دەپ باعالادى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«كوروناۆيۋرس ينفەكسياسىنىڭ تاراۋ قارقىنى باسەڭدەگەنىن كورىپ وتىرسىزدار. تاۋلىگىنە 10-15 جاعداي عانا تىركەلىپ وتىر. سونىڭ وزىندە تاۋلىگىنە 15 مىڭ پتر-سىناما زەرتتەلىپ جاتىر. وسىنىڭ 10-15ء-ى عانا ۆيرۋستىڭ بار ەكەنىن كورسەتۋدە. بۇل قازىرگى تاڭدا ەپيدەميولوگيالىق جاعداي قاناعاتتانارلىق دەڭگەيدە ەكەنىن راستاپ تۇر. بۇگىندە شىنىمەن دە ىندەتتىڭ تاراۋى سايابىرسي باستادى. وسىعان بايلانىستى بارلىق دەرلىك شەكتەۋ شارالارىن الىپ تاستاعانىمىزدى بىلەسىزدەر. سوندا دا ادامدار كوپ جينالاتىن جەرلەردە ماسكا تاعۋعا كەڭەس بەرەمىز»، - دەدى مينيستر ۇكىمەت وتىرىسىنان كەيىن ب ا ق وكىلدەرىنە بەرگەن سۇحباتىندا.

ونىڭ ايتۋىنشا، الەمدە ەپيدەميولوگيالىق جاعداي ءالى قالىپقا تۇسە قويماعان.

«ءقازىر قىتايدا «وميكرونمەن» ناۋقاستانۋ كولەمى ارتىپ جاتقانىن بىلەسىزدەر. ءبىرقاتار ەۋروپا ەلدەرىندە سىرقاتتانۋ دەڭگەيى ءوسىپ وتىر. سوندىقتان ەلدەگى جاعداي تۇراقتى بولعانىنا قاراماستان، شەكارا ماڭايىندا شەكتەۋلەر سول كۇيىندە قالىپ وتىر. پتر-تەست قورىتىندىسىنسىز، ۆاكسينالاۋ پاسپورتىنسىز تەك ءوز ازاماتتارىمىز عانا ەمەس، شەتەلدىكتەر دە ەل اۋماعىنا كىرە المايدى»، - دەدى ۆەدومستۆو باسشىسى.