تەمەكى شەگەتىندەردىڭ ورتاشا جاسى – 17-18 جاس.
ۇكىمەت وتىرىسىندا دەنساۋلىق ساقتاۋ ءمينيسترى اجار عينيات تەمەكىگە، ونىڭ ىشىندە ەلەكتروندى تەمەكىگە سۇرانىس ارتقانىن ايتتى، دەپ حابارلايدى Almaty-akshamy.kz Aikyn.kz سىلتەمە جاساپ.
ءمينيستردىڭ ايتۋىنشا، قازاقستاندا 15 جاستان اسقاندار اراسىندا 21،5%-ى تەمەكى شەگەدى. ونىڭ ىشىندە، 38%-دان استامى – ەر ادامدار بولسا، ال 6،4%-ى – ايەلدەر.
«تەمەكى شەگەتىندەردىڭ ورتاشا جاسى – 17-18 جاس. مەكتەپ وقۋشىلارىنىڭ مىنەز-قۇلقىن زەرتتەي كەلە، 15 جاستا ەر بالالاردىڭ 10%-ى، قىزداردىڭ 6%-ى تەمەكى شەگەتىنى بەلگىلى بولدى. جاسوسپىرىمدەر اراسىندا ەلەكتروندى تەمەكىنى پايدالاناتىنداردىڭ سانى كوبەيگەن. ماسەلەن، 15 جاستا ۇلداردىڭ 14%-ى، ال قىزداردىڭ 6%-ى ەلەكتروندى تەمەكى شەگەدى»، – دەدى دەنساۋلىق ساقتاۋ ءمينيسترى.