قازاقستانداعى ەپيدەميولوگيا جانە ۆاكسيناسيا مەكتەبىنىڭ نەگىزىن قالاۋشى ومىردەن ءوتتى

ورنى تولماس قازا

س.اسفەندياروۆ اتىنداعى قازاق ۇلتتىق مەديسينا ۋنيۆەرسيتەتىنىڭ پروفەسسورى، ەپيدەميولوگ-ۆاكسينولوگ، مەديسينا عىلىمدارىنىڭ دوكتورى ساكەن امىرەيەۆ ومىردەن ءوتتى، دەپ حابارلايدى Almaty-akshamy.kz.

قازاقستان رەسپۋبليكاسىنىڭ دەنساۋلىق ساقتاۋ سالاسى مەن س.د.اسفەندياروۆ اتىنداعى قازاق ۇلتتىق مەديسينا ۋنيۆەرسيتەتى ۇلكەن، ورنى تولماس قازاعا ۇشىرادى. بۇگىن تاڭەرتەڭ قازاقستانداعى ەپيدەميولوگيا جانە ۆاكسيناسيا مەكتەبىنىڭ نەگىزىن قالاۋشى، مەديسينا عىلىمدارىنىڭ دوكتورى، پروفەسسور امىرەيەۆ ساكەن امىرە ۇلى كورونوۆيرۋس ىندەتىنەن كوز جۇمدى. قارالى حاباردى س.اسفەندياروۆ اتىنداعى قازاق ۇلتتىق مەديسينا ۋنيۆەرسيتەتىنىڭ باسپا ءسوز قىزمەتى راستادى.

«س.اسفەندياروۆ اتىنداعى ءقازۇمۋ-نىڭ وقىتۋشىلارى، قىزمەتكەرلەرى مەن ستۋدەنتتەرى ساكەن امىرە ۇلىنىڭ تۋىستارى مەن جاقىندارىنا قايعىلارىنا ورتاقتاسىپ كوڭىل ايتادى»، - دەلىنگەن حابارلامادا.

Cاكەن امىرەيەۆ 1940 جىلى 5 قاڭتاردا الماتى وبلىسى قابانباي (بۇرىنعى اندرەيەۆ) اۋدانى مۇقاي اۋىلىندا دۇنيەگە كەلدى. 1957 جىلى ەكپىندى ورتا مەكتەبىن تامامدادى. 1958-1964 جىلدارى الماتى مەملەكەتتىك مەديسينا ينستيتۋتىندا وقىپ دارىگەر-ەپيدەميولوگ مامانى اتاعىن الدى. 1964 جىلى كسسر دەنساۋلىق ساقتاۋ مينيسترلىگىنىڭ ميكروبيولوگيا ەپيدەميولوگيا جانە گيگيەنا عىلىمي-زەرتتەۋ ينستيتۋتىنا كىشى عىلىمي قىزمەتكەر بولىپ قابىلداندى.1967-1970 جىلدارى اممي اسپيرانتى. 1970 جىلى مەديسينا عىلىمدارىنىڭ كانديداتى اتاعىن قورعادى. پروفەسسور س.امىرەيەۆ برۋسەللەز پروبلەمالارىنىڭ ءارتۇرلى سالالارى بويىنشا 2 مونوگرافيا، 4 عىلىمي جيناقتار، 6 تومدى عىلىمي-ادەبيەتتەرگە شولۋلار جارىق كوردى، 5 دوكتورلىق، 12-كانديداتتىق ديسسەرتاسيالار قورعالدى (عىلىمي-جەتەكشى، عىلىمي-كەڭەسشى بولدى). ايتا كەتەيىك، ول پاندەميانىڭ العاشقى كۇندەرىنەن باستاپ كوروناۆيرۋسپەن كۇرەستە الدىڭعى قاتاردا بولدى.