الماتى قالاسى بوستاندىق اۋدانى م.گاندي اتىنداعى مامانداندىرىلعان №92 ليسەيدە مەملەكەت باسشىسى قاسىم-جومارت توقايەۆتىڭ “حالىق بىرلىگى جانە جۇيەلى رەفورمالار - ەل وركەندەۋىنىڭ بەرىك نەگىزى” اتتى قازاقستان حالقىنا جولداۋى تالقىلادى.
جولداۋدا ەلىمىزدىڭ تاياۋ ۋاقىتتا ىسكە اسىرىلۋى كەرەك ىستەرى مەن ەلىمىزدىڭ دامۋ باعىتى ايقىندالدى. ليسەي مۇعالىمدەرى جولداۋداعى ەلباسى ۇسىنعان «ۇلت جوسپارىن جانە بەس ينستيتۋتتىق رەفورما تولىققاندى جۇزەگە اسىرۋعا وزدەرىنىڭ وڭ پىكىرلەرىن ءبىلدىرىپ، قولداۋ كورسەتۋدە. مەكتەپ ۇجىمى جولداۋدىڭ بەسىنشى «قولجەتىمدى ءارى ساپالى ءبىلىم» بولىمىنە ەرەكشە نازار اۋداردى. بۇل بولىمدە مەملەكەت باسشىسى ءبىلىم سالاسىنا قاتىستى تۇيتكىلدى ماسەلەلەرگە كەڭىنەن توقتالعان. جولداۋدى تالداۋ بارىسىندا مەملەكەت باسشىسىنىڭ ءبىلىم سالاسىنا قاتىستى كوتەرگەن ماسەلەلەرى كەڭىنەن سارالانىپ، مۇعالىمدەر تاراپىنان ۇسىنىس-پىكىرلەر ءبىلدىرىلدى.
جولداۋدا مەملەكەت باسشىسى ۇلت ۇستازى احمەت بايتۇرسىن ۇلىنىڭ مىنا ءبىر ءسوزىن نەگىزگە الدى: «ءبىءلىمءدى بولۋعا وقۋ كەرەك. باي بولۋعا كاءسىپ كەرەك. كۇشتى بولۋعا بىرلىك كەرەك. وسى كەرەكتەردىڭ جولىندا جۇمىس ىستەۋ كەرەك» دەيدى. بۇل كوزقاراستىڭ بۇگىنگى كۇنى وتە ماڭىزدى ەكەندىگىن ايتىپ، بۇگىنگى تاۋەلسىز قازاقستان قوعامىنىڭ ۇلكەن جەتىستىكتەرگە جەتۋ جولىنداعى قادامدارىن جىكتەپ كورسەتتى.
بىرىنشىدەن، ءححى عاسىردىڭ ۇرپاعى تەرەڭ ءبىلىمدى بولعانى ءجون.
ەكىنشىدەن، جاس بۋىندى ەرىنبەي ەڭبەك ەتۋگە بەيىمدەۋ قاجەت.
ۇشىنشىدەن، كەز كەلگەن ءىستى كاسىبي داعدى ارقىلى جۇزەگە اسىرعان دۇرىس.
تورتىنشىدەن، تەمىردەي ءتارتىپ جانە جوعارى جاۋاپكەرشىلىك بارشامىزدىڭ بويىمىزدا بولۋى كەرەك.
بەسىنشىدەن، ادىلدىكتەن اينىماعان ءجون. ادىلدىك – قوعام دامۋىنىڭ ماڭىزدى شارتى. ادىلەتتىلىك – اسىرەسە، ەل-جۇرتتىڭ تاعدىرىن شەشۋ ءۇشىن اسا قاجەت قاسيەت.
التىنشىدان، بىزگە كەرەگى – ادالدىق، ۇقىپتىلىق، تياناقتىلىق. ءبارىمىز ناعىز قازاقتى ءدال وسىنداي كەيىپتە كورگىمىز كەلەءدى. ءبىز سوندا عانا باسەكەگە قابىلەتتى مەملەكەت، زياتكەر ۇلت قالىپتاستىرا الامىز.
ءبىلىمدى جاس ۇرپاقتى تاربيەلەۋ جولىندا ۇستازداردىڭ ەڭبەگى ۇشاڭ-تەڭىز. ليسەي مۇعالىمدەرى جولداۋدى تالداۋ بارىسىندا مەملەكەت باسشىسى ايتقانداي، «تەرەڭ ءبىلىمدى ۇرپاقتى» تاربيەلەۋ مەن ءبىلىم بەرۋدىڭ مەملەكەتتىڭ بولاشاعى ءۇشىن ۇلكەن ماڭىزدىلىعىن تەرەڭىنەن ءتۇيسىندى. ءبىلىمدى ۇرپاق - ۇلت بولاشاعىنىڭ جارقىن كەپىلى. ەلىمىزدىڭ جارقىن بولاشاعىنا باعىت العان جولداۋدا كورسەتىلگەن تۇجىرىمدامالاردى ىسكە اسىرۋ - ءبارىمىزدىڭ ورتاق مىندەتىمىز.