الماتى قالاسىندا وتكەن "قاراسورا" جەدەل-الدىن الۋ ءىس-شاراسى بارىسىندا ەسىرتكىگە قارسى كۇرەس باسقارماسى ءىرى كولەمدەگى ەسىرتكى زاتىن تاركىلەدى، دەپ حابارلايدى Aqshamnews.kz ءتىلشىسى Polisia.kz-كە سىلتەمە جاساپ.
پوليسيانىڭ مالىمەتىنشە، ەكولوگيالىق بەكەتتە 59 جاستاعى قالا تۇرعىنى باسقارعان Toyota توقتاتىلعان. كەيىن ناۋرىزباي اۋدانىنداعى ونىڭ ۇيىنە جۇرگىزىلگەن ءتىنتۋ كەزىندە اۋلادان 13 ءتۇپ قاراسورا انىقتالدى. ساراپتاماعا سايكەس، تاركىلەنگەن ەسىرتكىنىڭ جالپى سالماعى 24 كەلى 680 گرامم.
قازىرگى ۋاقىتتا كۇدىكتى ۇستالىپ، ۋاقىتشا ۇستاۋ يزولياتورىنا قامالدى. اتالعان دەرەك بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
"پوليسيا قىزمەتكەرلەرى ەسىرتكى تاراتۋدىڭ جولىن جۇيەلى تۇردە كەسىپ كەلەدى. جەدەل ۋاكىلدەر، ارنايى جاساق جانە كينولوگتاردىڭ ۇيلەسىمدى جۇمىسىنىڭ ناتيجەسىندە زاڭسىز اينالىمعا ءتۇسۋى مۇمكىن بولعان ءىرى كولەمدەگى قاراسورانىڭ جولى كەسىلدى. ەسىرتكى قىلمىستارىن انىقتاۋ جانە ولاردىڭ الدىن الۋ شارالارى جالعاسىن تابادى"، – دەدى الماتى قالالىق پوليسيا دەپارتامەنتى ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇمابايەۆ.