ونلاين فورماتتا وتكەلى جاتقان فورۋمدا تۇڭعىش رەت مۋزىكا نارىعىنىڭ ۇزدىك سپيكەرلەرى باس قوسپاق.
ق ر ۇكىمەتى مەن الماتى قالاسى اكىمدىگىنىڭ جانىنداعى كرەاتيۆتى يندۋستريالاردى دامىتۋ جونىندەگى جوبالىق كەڭسەنىڭ قولداۋىمەن 2021 جىلعى 28-29 شىلدەدە ساعات 12:00-دەن 19:00-گە دەيىن ەلەكتروندىق مۋزىكانتتارعا ارنالعان ءبىرىنشى حالىقارالىق ونلاين-فورۋم وتەدى، دەپ حابارلايدى Almaty-akshamy.kz.
فورۋمنىڭ ماقساتى: قازاقستاندىق ەلەكتروندى مۋزىكانتتار مەن ساۋند-پروديۋسەرلەردى ءبىر ورتاعا بىرىكتىرۋ. وسى سالادا الەمنىڭ ۇزدىك سپيكەرلەرىنەن ءبىلىم الۋعا مۇمكىندىك جاساۋ.
ونلاين فورماتتا وتكەلى جاتقان فورۋمدا تۇڭعىش رەت مۋزىكا نارىعىنىڭ ۇزدىك سپيكەرلەرى باس قوسپاق. رەسەي، ۋكراينا، اقش جانە ەۋروپا ەلدەرىنىڭ ايگىلى ديدجەيلەرى، ساۋند-پروديۋسەرلەرى، A&R مەنەدجەرلەرى، پروموۋتەرلەر، راديوستانسيالار مەن تەلەديدار وكىلدەرى، كرەاتيۆتى يندۋستريالار باسقارما وكىلدەرى، ەلەكتروندىق جانە زاماناۋي مۋزىكا فەستيۆالدەرىن ۇيىمداستىرۋشىلار UYA Forum ونلاين-الاڭىنا جينالماق.
ءبىزدىڭ قاۋىمداستىق جاس تالانتتاردى قولداۋ ءۇشىن قۇرىلعان. ءبىز جاڭا ۇرپاقتىڭ مۋزىكا سالاسىندا قارقىندى دامۋى ءۇشىن جۇمىس ىستەيمىز. باستى ماقساتىمىز – قازاقستاننان كوبىرەك جاڭا ەسىمدەردىڭ جانە حيتتەردىڭ الەمدىك ساحنالاردان كورىنۋىنە جاعداي جاساۋ.
«UYA Forum 2021» دارىندىلاردىڭ جولىنان كەدەرگىلەردى الىپ تاستايدى جانە مۋزىكا ونەرىن جاڭادان باستاۋشىلارعا كومەك بەرەدى. مۋزىكانتتار ساپالى ءبىلىم مەن داعدىلاردى تەگىن الادى.
ونلاين-فورۋم اياسىندا قوزعالاتىن تاقىرىپتار:
مۋزىكالىق جوبانى دامىتۋ نەگىزدەرى
مۋزىكانى قازاقستاندا جانە ودان تىس جەرلەردە قالاي ناسيحاتتاۋعا بولادى؟
شەتەلدە مۋزىكا يندۋسترياسى قالاي جۇمىس ىستەيدى؟
حالىقارالىق لەيبلدەرمەن، پابليشەرلەرمەن بايلانىس جانە كوممۋنيكاسيا.
مۋزىكانى مونەتيزاسيالاۋ: ءارتىس بولعىسى كەلگەن ادام تابىس تابۋ ءۇشىن ءىستى نەدەن باستاۋى كەرەك؟
يمانبەكتىڭ جەتىستىستىگىنىڭ تاريحى جانە ونىڭ الەمگە ايگىلى ارتىستەرمەن جۇمىس تاجىريبەسى.
الماتىداعى مۋزىكالىق ەكوجۇيەنى دامىتۋ جانە ونى بۇكىل قازاقستانعا ماسشتابتاۋ.
ءبىرىنشى تۋردى قالاي ۇيىمداستىرۋ كەرەك جانە ەڭ ۇلكەن مۋزىكالىق فەستيۆالدارعا قالاي قاتىسۋعا بولادى؟
قازاقستانداعى كرەاتيۆتى ەكونوميكانىڭ دامۋى.
مۋزىكا جازۋ بويىنشا ماستەر-كلاستار جانە باسقا دا تاقىرىپتار.
فورۋمعا قاتىسۋشىلار مەن سپيكەرلەر: ديدجەي جانە ساۋند-پروديۋسەر يمانبەك زەيكەنوۆ (Imanbek) ، سونداي-اق قازاقستان، رەسەي، ۋكراينا، اقش جانە ەۋروپا ەلدەرىنەن باسقا دا سپيكەرلەر. (تولىق سپيكەرلەر ءتىزىمى فورۋمنىڭ الەۋمەتتىك جەلىلەرىندە بىرنەشە كەزەڭمەن جاريالاناتىن بولادى).