قالادا سانيتارلىق-ەپيدەميولوگيالىق احۋال ۋشىعا تۇسۋدە.
الماتى اكىمى باقىتجان ساعىنتايەۆ كۆي دەرتىنىڭ «دەلتا» شتامىنىڭ ءورشۋى تۋرالى ايتىپ، الماتىلىقتاردى ۆاكسينالانۋ قارقىنىن تومەندەتپەۋگە شاقىردى، دەپ حابارلايدى Almaty-akshamy.kz.
الماتى اكىمى باقىتجان ساعىنتايەۆتىڭ «الماتى» تا-داعى Akimat LIVE باعدارلاماسىنىڭ تىكەلەي ەفيرىندە ايتقان مالىمەتتەرى بويىنشا، 14 شىلدەدە كوروناۆيرۋس ينفەكسياسىنىڭ 80 091 جاعدايى تىركەلدى، ونىڭ 62 956-ى سيمپتومدى جانە 17 135ء-ى سيمپتومسىز، انىقتالماعان پنيەۆمونيا – 2025.
13 شىلدەدە 640 جاعداي تىركەلدى، ونىڭ 574ء-ى سيمپتومدى، 66-ى سيمپتومسىز، انىقتالماعان پنيەۆمونيا – 4.
بۇگىندە قۋاتتىلىعى 5200 توسەك-ورىنعا ۇلعايعان ينفەكسيالىق ستاسيونارلاردا بارلىعى 1947 پاسيەنت، ونىڭ ىشىندە 168 بالا ەمدەلۋدە. سونىمەن قاتار، ناۋقاستاردىڭ 55ء-ىنىڭ جاعدايى وتە اۋىر، 428ء-ى اۋىر، 1464 ورتاشا اۋىرلىق دارەجەدە. جانساقتاۋ جانە ينتەنسيۆتى تەراپيا بولىمدەرىندە بارللىعى 133 ناۋقاس بار. ءوجج اپپاراتىندا – 28، ءينۆازيۆتى ەمەس ءوجج – 46، High flow اپپاراتىندا – 42.
قالادا سانيتارلىق-ەپيدەميولوگيالىق احۋال ۋشىعا تۇسۋدە. "دەلتا" نۇسقاسىنا قاتىستى كۆي دەرتىنىڭ ەداۋىر ءوسۋى جالعاسۋدا. سوڭعى 7 كۇن ىشىندە كۆي-دىڭ سيمپتومدى اۋرۋلارىنىڭ ۇلەس سالماعى وتكەن 7 كۇنمەن سالىستىرعاندا 2 ەسەگە وسكەن، 53%-دان 88%-عا دەيىن، بۇل كۆي-دىڭ اۋىر كلينيكالىق كورىنىسىن قالىپتاستىراتىن "دەلتا" نۇسقا اينالىمىنىڭ تەز تارالۋى سالدارىنان بولۋدا.
سوڭعى 2 اپتاداعى جاس قۇرامىنىڭ تالداۋى "دەلتا" نۇسقاسىنىڭ جوعارى كونتاگيوزدى بولۋىنان بالالار مەن جاستارعا ۆيرۋس تەز جۇعۋدا: 2%-عا تومەندەۋىنە قاراماستان 14 جاسقا دەيىنگى بالالاردىڭ ۇلەسى 13%-دىق جوعارى كۇيىندە قالۋدا؛ 20 جاستان 40 جاسقا دەيىنگى ازاماتتار اراسىندا دەرتتىڭ ەڭ جوعارى دەڭگەيگە 3،4%-عا (39%) اسقىنۋى ۇلكەن الاڭداۋشىلىق تۋدىرۋدا. سونداي-اق 40-59 جاستاعىلار اراسىندا جۇقتىرۋ دەڭگەيى – 25%، ياعني، ءاربىر 4ء-شى ادام ينفەكسيا جۇقتىرعان. 60 جاستاعى اعا بۋىن اراسىندا جۇقتىرۋدىڭ ۇلەس سالماعى 1،6%، بۇل يممۋندانۋ مەن موبيلدىلىكتىڭ تومەندىگىنىڭ ناتيجەسى.
جۇمىسپەن قامتۋ بويىنشا سوڭعى 14 كۇندە كۆي دەرتى ءوزىن-وزى جۇمىسپەن قامتىعاندار اراسىندا باسىم – 37% (ءوسىم 2%)، ءتۇرلى ج ش س، جك، اق قىزمەتكەرلەرى اراسىندا – 19% (بۇرىنعى دەڭگەيدەن)، زەينەتكەرلەر اراسىندا – 16،6% (0،8%-عا تومەن)، سونداي-اق مەكتەپ وقۋشىلارى اراسىندا – 10،1% (0،2%-عا تومەن) جانە مەكتەپ جاسىنا دەيىنگى بالالار اراسىندا – 6،7% (سول دەڭگەيدە)، بۇل ناۋقاستار سانىنىڭ 90%-ىن قۇرايدى.
ينفەكسيا جۇقتىراتىن ناقتى ورىندار: سوڭعى اپتادا الدىڭعى سوڭعى اپتامەن سالىستىرعاندا كۆي-دى وتباسىندا جۇقتىرۋ 9%-عا تومەندەدى، تۋىستارىمەن، كورشىلەرىمەن، دوستارىمەن بايلانىستا بولعاندار – 0،2%-عا ازايدى.
سوڭعى 7 كۇندە كۆي جۇقتىراتىن نەگىزگى ورىندار ساۋدا نىساندارى – 31%، وتباسىلاردا – 18%، قوعامدىق كولىكتە – 16%، بازارلاردا – 11% جانە قوعامدىق تاماقتاندىرۋ ورىندارىندا – 4%.
الماتى اكىمى باقىتجان ساعىنتايەۆ قالالىقتاردى كۆي-دىڭ الدىن الۋدىڭ ەڭ ءتيىمدى ءارى جالعىز قورعانى بولىپ تابىلاتىن ۆاكسينالانۋ قارقىنىن تومەندەتپەۋگە شاقىردى. 14 شىلدەدەگى جاعداي بويىنشا 615 661 ادامعا ۆاكسينانىڭ I كومپونەنتى ەگىلدى. وتكەن تاۋلىكتەردە ۆاكسينالانعاندار: 15 257 ادام. ەكپە العانداردىڭ جالپى سانىنان 60 جاستان اسقاندار 91 263 ادامدى قۇرايدى.
قالادا مەديسينالىق ۇيىمداردا، مەكتەپتەردە، مادەني جانە سپورتتىق مەكەمەلەردە، بازارلاردا جانە سوسو 212 ۆاكسيناسيا (250-گە دەيىن ۇلعايتۋ مۇمكىندىگى بار) پۋنكتى جۇمىس ىستەيدى. قۇرامىندا 1260 ادام بار 308 ەكپە بريگاداسى جۇمىلدىرىلعان.