وتانداسىمىز توپ جارۋدا
جەڭىل سالماقتاعى قازاقستاندىق فايتەر جالعاس جۇماعۇلوۆ UFC پروموۋشەنىندەگى ءۇش جەكپە-جەك ءۇشىن 53 400 دوللار تابىس تاپقان، دەپ حابارلايدى Almaty-akshamy.kz Vesti.kz. سايتىنا سىلتەمە جاساپ.
ايتا كەتەيىك، جاكو ەكى كەزدەسۋىندە جەڭىلىپ، كەيىنگىسىندە جەڭىسكە جەتتى.
پروموۋشەندەگى ءبىرىنشى كەزدەسۋىندە جۇماعۇلوۆ تورەشىلەردىڭ ءبىراۋىزدان شىعارعان شەشىمىمەن برازيليالىق راۋليان پايۆادان جەڭىلدى. ول كەزدە جالعاستىڭ جالپى تابىسى 15 900 دوللار بولدى.
ەكىنشى جەكپە-جەگىندە شۆەسيالىق امير البازيگە ەسە جىبەردى. قازاقستاندىقتىڭ ول كەزدەگى گونورارى 13 500 دوللار بولعان.
ال اقش سپورتشىسى دجەروم ريۆەرانى جەڭگەنى ءۇشىن وتانداسىمىز 24 000 دوللار الدى.
UFC-مەن كەلىسىمشارت بويىنشا جۇماعۇلوۆتىڭ تاعى ءبىر جەكپە-جەگى قالدى.