جولداۋدا كورسەتىلگەن نەگىزگى ماقساتتار ءسوز بولدى.
قازاقستاننىڭ ءدىني بىرلەستىكتەر وكىلدەرى جينالىسىنىڭ كەزەكتى وتىرىسىندا مەملەكەت باسشىسىنىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىندا كورسەتىلگەن نەگىزگى ماقساتتاردى تالقىلادى، دەپ حابارلايدى Almaty-akshamy.kz.
«ءىس-شاراعا ق ر اقدم ءدىن ىستەرى كوميتەتىنىڭ، «كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازاربايەۆ ورتالىعىنىڭ» باسشىلىعى، سونداي-اق قازاقستان ءدىني بىرلەستىكتەرىنىڭ وكىلدەرى قاتىستى»، – دەلىنگەن اقپارات جانە قوعامدىق دامۋ مينيسترلىگىنىڭ باسپا ءسوز قىزمەتىنىڭ حابارلاماسىندا.
كەز كەلگەن قازاقستاندىقتىڭ الەۋمەتتىك مارتەبەسىنە، ساياسي كوزقاراسىنا، ۇلتىنا جانە ءدىني سەنىمىنە قاراماستان، ەلدە ۇيلەسىمدى ەتنوسارالىق جانە كونفەسسياارالىق قاتىناستار قالىپتاسقاندىعىن بارلىق ازاماتتار باعالاۋ كەرەك دەگەن پىكىر وتىرىسقا قاتىسۋشىلارعا ورتاق ەكەندىگىن كورسەتتى.