14،8 ملن توننا استىق جينالدى.
قازاقستان شارۋالارى 15،4 ملن گەكتار جەردەگى ءداندى جانە ءداندى-بۇرشاقتى داقىلدى ورىپ الدى، دەپ حابارلايدى Almaty-akshamy.kz.
«616،7 مىڭ توننا مايلى داقىل، 2،9 ملن توننا كارتوپ، 4،1 ملن توننا كوكونىس، 2،6 ملن توننا باقشا داقىلدارى جينالدى. استىق ەگەتىن نەگىزگى ايماقتار – اقمولا، قوستاناي جانە سولتۇستىك قازاقستان وبلىستارىندا 11،5 ملن گەكتار ەگىس القابى ورىلدى. بۇل جينالۋى ءتيىس جالى الاڭنىڭ 98،9%-ى. ورتاشا ونىمدىلىك گەكتارىنا 8،8 سەنتنەردەن اينالىپ، 10،0 ملن توننا استىق جينالدى»، – دەلىنگەن اۋىل شارۋاشىلىعى مينيسترلىگىنىڭ باسپا ءسوز قىزمەتىنىڭ حابارلاماسىندا.
ناقتىلانعان دەرەك بويىنشا، رەسپۋبليكادا سىيىمدىلىعى 29،3 ملن توننا استىقتى ساقتايتىن مۇمكىندىك بار. ونىڭ ىشىندە استىق قابىلداۋ كاسىپورىندارىندا 12،4 ملن توننا، فەرمەرلەردە 16،9 ملن توننا استىق ساقتايتىن ورىن بار.
2021 جىلعى ەگىن جيناۋ ناۋقانى اياقتالۋعا جاقىن جانە قارقىنى بىلتىرعىدان جوعارى. جيىن-تەرىم جۇمىستارىنا قاتىستى بارلىق ماسەلە مينيسترلىكتىڭ باقىلاۋىندا.