قازاقستاننىڭ بانك سەكتورى 2022 جىلى ورنىقتىلىعىن كورسەتتى
Standard & Poor's (S&P) حالىقارالىق رەيتينگتىك اگەنتتىگى قازاقستاننىڭ 6 بانكى مەن ءىرى ميكروقارجى ۇيىمىنىڭ رەيتينگتەرىن راستادى. بۇل تۋرالى Almaty-akshamy.kz قارجى نارىعىن رەتتەۋ جانە دامىتۋ اگەنتتىگىنە سىلتەمە جاساپ حابارلايدى.
Standard & Poor's (S&P) حالىقارالىق رەيتينگتىك اگەنتتىگى قازاقستاننىڭ التى بانكى مەن ءىرى ميكروقارجى ۇيىمىنىڭ رەيتينگتەرىن راستادى.
«وڭىردە ماكروەكونوميكالىق جانە گەوساياسي تاۋەكەلدەردىڭ شيەلەنىسۋىنە قاراماستان، قازاقستاننىڭ بانك سەكتورى 2022 جىلى ورنىقتىلىعىن كورسەتتى»، - دەپ اتاپ وتىلگەن S&P Global Ratings حابارلاماسىندا.
تۇتاستاي العاندا، S&P دەرەكتەرى بويىنشا، ەكونوميكالىق سيكلداردا اكتيۆتەردىڭ ساپاسىن نەعۇرلىم سارالاپ باسقارۋ كەزىندە بانك جۇيەسىنىڭ تۇراقتىلىعى كورسەتكىشتەرىنىڭ جاقسارعانى بايقالدى. كرەديتتەر بويىنشا ىقتيمال شىعىندارعا ارنالعان رەزەرۆتەردى قالىپتاستىرۋعا ارنالعان شىعىستار جانە قازاقستان بانك سەكتورىنىڭ پروبلەمالىق كرەديتتەرىنىڭ ۇلەسى 2015-2020 جىلدارى بايقالعان دەڭگەيدەن ەداۋىر تومەن بولىپ قالۋدا جانە اكتيۆتەر ساپاسىنىڭ كورسەتكىشتەرى تۇراقتى بولىپ قالادى دەپ كۇتىلۋدە.
قازاقستاننىڭ بانك سەكتورىنىڭ ەلدىك جانە سالالىق تاۋەكەلدەرىنىڭ باعاسى (Banking Industry Country Risk Assessment، BICRA) دا «9»-دان «8»-گە جاقسارتىلدى جانە ءوز قىزمەتىن نەگىزىنەن قازاقستاندا جۇزەگە اسىراتىن بانكتەر رەيتينگىنىڭ بازالىق دەڭگەيى «b+»-تەن «bb-»-كە دەيىن كوتەرىلدى.
ناتيجەسىندە مىنا ۇيىمداردىڭ ۇزاق مەرزىمدى جانە قىسقا مەرزىمدى كرەديتتىك رەيتينگتەرى راستالدى:
«قازاقستان حالىق بانكى» اق «Bۆ+/B» دەڭگەيىندە. بولجام — «تۇراقتى»؛
«Kaspi Bank» اق «ۆۆ/ۆ» دەڭگەيىندە. بولجام — «تۇراقتى»؛
«بانك سەنتركرەديت» اق «ۆ+/ۆ» دەڭگەيىندە. بولجام — «تۇراقتى»؛
«ForteBank» اق «ۆۆ-/ۆ» دەڭگەيىندە. بولجام — «تۇراقتى»؛
«نۇربانك» اق «ۆ-/ۆ» دەڭگەيىندە. بولجام — «تۇراقتى»؛
«بانك فريدوم فينانس قازاقستان» اق «ۆ/ۆ» دەڭگەيىندە. بولجام — «تۇراقتى»؛
سونداي-اق «ونلاينكازفينانس» ميكروقارجى ۇيىمى» ج ش س «ۆ-/ۆ» دەڭگەيىندە. بولجام — «تۇراقتى».
اگەنتتىكتىڭ مالىمەتىنشە، 2022 جىلى قازاقستاننىڭ بانك سەكتورىنىڭ تازا پايداسى 1،5 ترلن تەڭگەنى (3،2 ملرد اقش دوللارى) قۇرادى. بۇل 2021 جىلمەن سالىستىرعاندا 14%-عا جوعارى.