تۋريزم جانە سپورت ءمينيسترى ەرمەك مارجىقپايەۆ جۋىردا ءتۋريزمدى دامىتۋ سالاسىنداعى 2023 جىلعى قىزمەت قورىتىندىلارى مەن 2024 جىلعا ارنالعان باسىم مىندەتتەر تۋرالى القا وتىرىسىندا پرەمەر-مينيستردىڭ تاپسىرماسى بويىنشا باسىم اۋماقتاردىڭ ءتىزىمى 10-نان توپ-20-عا دەيىن كەڭەيتىلگەنىن مالىمدەدى.
قازاقستانداعى توپ-20 باسىم تۋريستىك ايماقتىڭ تولىق ءتىزىمى مىناداي: حان ورداسى (بقو)، قارعالى سۋ قويماسى (اقتوبە وبل.)، تۋريستىك كەشەن (قوستاناي وبل.)، ششۋچە-بۋرابايداعى «اقبۋرا» كۋرورت ايماعى (اقمولا وبل.)، يمانتاۋ-شالقار كۋرورت ايماعى (سقو)، باياناۋىل (پاۆلودار وبل.)، كاتون-قاراعاي كۋرورت ايماعى (شقو)، الاكول كۋرورت ايماعى (اباي وبل.، جەتىسۋ وبل.)، تۇرگەن-قاسكەلەڭ تاۋ كلاستەرى (الماتى ق.، الماتى وبل.)، «كوكساي resort» (جامبىل وبل.)، بالقاش (قاراعاندى وبل.)، تۇركىستان (تۇركىستان وبل.)، بايقوڭىر عارىش ايلاعى (قىزىلوردا وبل.)، ۇلىتاۋ اۋىلى (ۇلىتاۋ وبل.)، جىلى جاعاجاي (ماڭعىستاۋ وبل.)، سارايشىق قالاشىعى (اتىراۋ وبل.)، شىمكەنت – گاسترونوميالىق تۋريزم ورتالىعى (شىمكەنت ق.) جانە تۋريستىك اۋدان (استانا ق.).
ىشكى تۋريزم اعىنىنىڭ سەرپىندى ءوسۋىن ەسكەرە وتىرىپ، مينيسترلىك جەرگىلىكتى اتقارۋشى ورگاندارمەن بىرلەسىپ اتالعان تۋريستىك باعىتتاردا ينفراقۇرىلىمدى دامىتۋ بويىنشا جول كارتالارىن ازىرلەدى.