قازاقستاندا «زورلىق-زومبىلىقسىز 16 كۇن» حالىقارالىق اكسياسى باستالدى. ناۋقان جىل سايىن 25 قاراشا مەن 10 جەلتوقسان ارالىعىندا ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسياسى مەن ق ر مادەنيەت جانە اقپارات مينيسترلىگىنىڭ قولداۋىمەن وتەدى، دەپ حابارلايدى aqshamnews.kz.
وسىلايشا، قازاقستان جاھاندىق دەڭگەيدە دە، ۇلتتىق دەڭگەيدە دە قانداي بولماسىن زورلىق-زومبىلىقتى جويۋعا ارەكەت جاسادى. اكسيانىڭ نەگىزگى ماقساتى – تۇرمىستىق زورلىق-زومبىلىقتىڭ الدىن الۋ جانە حالىقتىڭ قۇقىقتىق ساۋاتتىلىعىن ارتتىرۋ.
بۇگىن اكسيا اياسىندا استانادا ەلوردالىق جوعارى وقۋ ورىندارى اراسىندا چەمپيونات ءوتتى. ءىس-شارانىڭ ەرەجەلەرى بويىنشا كوماندالار گەندەرلىك زورلىق-زومبىلىق تاقىرىبىنداعى كەيستەردى شەشۋدە كرەاتيۆتى ءتاسىلدى ۇسىنۋى ءتيىس.
سونىمەن قاتار ق ر مادەنيەت جانە اقپارات مينيسترلىگى زورلىق-زومبىلىق تۇرلەرىن انىقتاۋ، ونىڭ سالدارى مەن الدىن الۋ جولدارى تۋرالى بەلسەندى اقپاراتتىق ناۋقاندى باستادى. اكسيا اياسىندا ايەلدەر ءۇشىن ءوزىن-وزى قورعاۋ بويىنشا ترەنينگتەر ۇيىمداستىرىلدى، سونداي-اق كونفەرەنسيالار، دوڭگەلەك ۇستەلدەر، زورلىق-زومبىلىققا قارسى ءىس-قيمىل تاقىرىبىندا ارت-پەرفومانس جانە باسقا دا ءىس-شارالار جوسپارلانعان.