الماتى وبلىسىندا ۋچاسكەلىك پوليسيا ينسپەكتورلارى مەن يۋۆەنالدى پوليسيا قىزمەتكەرلەرىنىڭ قاتىسۋىمەن جەدەل كەڭەس ءوتتى.
جيىن بارىسىندا قازاقستان رەسپۋبليكاسىنىڭ ىشكى ىستەر ءمينيسترى ەرجان سادەنوۆتىڭ تاپسىرماسىنا سايكەس، وڭىردەگى قىلمىستىق احۋال مەن قۇقىق بۇزۋشىلىقتىڭ الدىن الۋ شارالارى جان-جاقتى تالقىلاندى، دەپ حابارلايدى aqshamnews.kz Polisia.kz-كە سىلتەمە جاساپ.
كەڭەستە تۇرمىستىق، ماس كۇيىندە جانە كامەلەتكە تولماعانداردىڭ قاتىسۋىمەن جاسالعان قىلمىستار سانىنىڭ ارتۋىنا ەرەكشە نازار اۋدارىلدى.
– جىل باسىنان بەرى وبلىستىڭ جەرگىلىكتى پوليسيا قىزمەتى قىلمىستىڭ الدىن الۋ بويىنشا اۋقىمدى جۇمىستار جۇرگىزدى. ۋچاسكەلىك ينسپەكتورلار 45 مىڭعا جۋىق اكىمشىلىك قۇقىق بۇزۋشىلىقتى انىقتادى. الكوگوليزممەن اۋىراتىن 73 ادام ماجبۇرلەپ ەمدەلۋگە جىبەرىلسە، شارتتى تۇردە مەرزىمىنەن بۇرىن بوساتىلعان 25 ادام تۇزەتۋ مەكەمەلەرىنە قايتارىلدى. سونىمەن قاتار، ءتارتىپ بۇزعان 27 ازاماتقا اكىمشىلىك قاداعالاۋ تاعايىندالدى، – دەپ مالىمدەدى پوليسيا وكىلدەرى.
جاسوسپىرىمدەر اراسىنداعى قىلمىستىڭ الدىن الۋعا ەرەكشە كوڭىل بولىنۋدە. وسى ماقساتتا مەكتەپتەردە قۇقىقتىق تاقىرىپتارعا ارنالعان 1650-دەن استام ءدارىس وتكىزىلدى، ال بۇقارالىق اقپارات قۇرالدارىندا تاربيەلىك ماڭىزى بار كوپتەگەن ماتەريالدار جاريالاندى.
بۇدان بولەك، جاسوسپىرىمدەردىڭ قاتىسۋىمەن 5 مىڭنان استام قۇقىق بۇزۋشىلىق تىركەلدى، ونىڭ ىشىندە 2،5 مىڭنان استام جاعداي اتا-انالاردىڭ ءوز مىندەتتەرىن دۇرىس ورىنداماۋىنان تۋىنداعان. قۇقىق قورعاۋ ورگاندارىنىڭ جەدەل-پروفيلاكتيكالىق ءىس-شارالارى قۇقىق بۇزۋشىلىقتاردىڭ قايتالانۋىن بولدىرماۋعا جانە جاسىرىن قاۋىپتەردى انىقتاۋعا ايتارلىقتاي ىقپال ەتۋدە.
جەرگىلىكتى پوليسيا قىزمەتى ازاماتتاردىڭ شاعىمدارىنا جەدەل ارەكەت ەتىپ، وڭىردەگى قوعامدىق ورىندار مەن جولداردا قاۋىپسىزدىكتى قامتاماسىز ەتۋ جۇمىستارىن جۇيەلى تۇردە جالعاستىرىپ كەلەدى. بۇل باعىتتاعى جۇمىستار جاسوسپىرىمدەر اراسىنداعى قۇقىق بۇزۋشىلىقتاردى ازايتىپ، قوعامدا قۇقىقتىق ءتارتىپتى نىعايتۋعا ىقپال ەتەدى.