2024 جىلدىڭ باسىنان بەرى ەلىمىزدە پوليسياعا وتباسىلىق زورلىق-زومبىلىق تۋرالى 100 مىڭعا جۋىق ءوتىنىش ءتۇستى. ونىڭ ىشىندە 72 مىڭ جاعداي بويىنشا قورعاۋ ۇيعارىمدارى شىعارىلىپ، 16 مىڭ ءىس سوتتا قارالىپ، شەشىم قابىلداندى، دەپ حابارلايدى aqshamnews.kz
سوڭعى بەس جىلدا ايەلدەرگە قارسى جاسالعان قىلمىستار سانى ەكى ەسەگە قىسقارعانى بايقالادى. ستاتيستيكاعا سايكەس:
- زورلىق-زومبىلىق قىلمىستارى 37،9%-عا ازايدى؛
- ادام ءولتىرۋ فاكتىلەرى 49،3%-عا تومەندەدى؛
- اۋىر دەنە جاراقاتتارى 8،7%-عا قىسقاردى.
بۇل جەتىستىكتەر قۇقىق قورعاۋ ورگاندارىنىڭ، قوعامدىق ۇيىمداردىڭ جانە ازاماتتاردىڭ بىرلەسە جۇمىس ىستەۋىنىڭ ناتيجەسى. مەملەكەت تەك زاڭدىق شارالارمەن عانا شەكتەلمەي، زورلىق-زومبىلىقتىڭ الدىن الۋ ماقساتىندا كەڭ اۋقىمدى شارالاردى جۇزەگە اسىرۋدا.
الەۋمەتتىك جوبالار مەن اقپاراتتىق ناۋقاندار ارقىلى وتباسىلىق قۇندىلىقتاردى نىعايتۋعا ەرەكشە كوڭىل بولىنۋدە. سونىمەن قاتار، زورلىق-زومبىلىققا ۇشىراعاندارعا جەدەل كومەك كورسەتۋ ماقساتىندا ارنايى ورتالىقتار مەن سەنىم جەلىلەرى جۇمىس ىستەۋدە. بۇل ورتالىقتاردا پسيحولوگتار، زاڭگەرلەر جانە الەۋمەتتىك قىزمەتكەرلەر زارداپ شەككەندەرگە كومەك كورسەتىپ، ولاردىڭ قاۋىپسىزدىگىن قامتاماسىز ەتۋگە كومەكتەسەدى.
وتباسىلىق زورلىق-زومبىلىققا قارسى كۇرەس – قوعامداعى ءاربىر ادامنىڭ قۇقىعىن قورعاۋعا جانە ءقاۋىپسىز ورتا قالىپتاستىرۋعا باعىتتالعان ماڭىزدى باستاما.