145 ميلليون تەڭگەگە الداعان: ءىرى الاياقتىق جاسادى دەپ كۇدىكتەلگەن ازامات رەسەيدەن ەكستراديسيالاندى
كەزەكتى الاياقتىڭ ەكستراديسيا تۋرالى ق ر باس پروكۋراتۋراسى مالىمدەدى، دەپ حابارلايدى aqshamnews.kz
قاداعالاۋشى ورگاننىڭ مالىمەتىنشە، ول وڭتۇستىك كورەيادان اۆتوكولىكتەر جەتكىزەمىن دەپ ۋادە بەرىپ، ساتىپ الۋشىلاردى تارتىمدى باعامەن قىزىقتىرعان. الايدا، اقىرىندا الدانعان ادامداردىڭ اقشاسىن الىپ، 145 ميلليون تەڭگەنى يەمدەنىپ كەتكەن. بۇل وقيعا 2023 جىلى ورىن العان.
وسىدان كەيىن قاسكوي قاشىپ كەتكەن، پروكۋراتۋرانىڭ حابارلاۋىنشا، ول حالىقارالىق ىزدەۋگە جاريالانعان.
قازاقستان ازاماتى 2024 جىلدىڭ ساۋىرىندە رەسەي اۋماعىندا ۇستالدى. ەكستراديسيادان كەيىن ونى ۋاقىتشا ۇستاۋ يزولياتورىنا جىبەرگەن.
«ارزان كورەي كولىكتەرىن ساتۋشى» بەس جىلدان ون جىلعا دەيىن باس بوستاندىعىنان ايىرىلىپ، مۇلكى تاركىلەنۋى مۇمكىن.