تورتكە دەيىن نەكەگە تۇرۋ كۇيەۋىنىڭ بارلىق ايەلگە ءادىل جانە تەڭ قارىم-قاتىناسى جاعدايىندا مۇمكىن ەكەنى اتالىپ وتەدى.
رەسەي مۇسىلماندارى ءدىني باسقارماسىنىڭ (دۋم) ۋلەم كەڭەسى مۇسىلماندارعا ءتورت ءدىني نەكەگە تۇرۋعا رۇقسات بەردى، دەپ حابارلايدى aqshamnews.kz
بۇل تۋرالى كەڭەس ءتوراعاسىنىڭ ورىنباسارى ءارى رف مدب ءتوراعاسىنىڭ ورىنباسارى، ماسكەۋ ءمۇفتيى يلدار الياۋتدينوۆ مالىمدەدى.
«ەر ادامنىڭ ەكىنشى، ءۇشىنشى نەمەسە ءتىپتى ءتورتىنشى ءدىني نەكەگە تۇرۋ مۇمكىندىگى تۋراسىندا شەشىم قابىلداندى. ەگەر جۇبايىنىڭ دەنساۋلىعىنا بايلانىستى، ۇرپاقتى بولۋ جاسىنىڭ اياقتالۋىنا نەمەسە باسقا وبەكتيۆتى سەبەپتەرگە بايلانىستى، ايتالىق، جۇبايىنىڭ جىنىستىق ۇيلەسىمسىزدىگىنە بايلانىستى بالا تابا الماسا، بۇعان جول بەرىلەدى. ەرلى-زايىپتىلاردىڭ بالالى بولعىسى كەلمەۋى سياقتى فاكتىلەر دە ەسكەرىلەدى»، - دەپ ريا نوۆوستي الياۋتدينوۆتىڭ ءسوزىن كەلتىرەدى.