بيىل ەلىمىزدە جاستاردىڭ باستامالارىن قولداۋعا 250-دەن استام شاعىن گرانت ءبولىندى.
ونىڭ اسىندا ءار قاتىسۋشى ءوز جوباسىن دامىتۋعا 1 ملن تەڭگەگە دەيىن قاراجات الا الادى. Zhas Project جوباسى قازاقستان جاستارىنىڭ مۇمكىندىكتەرىن كەڭەيتۋدى كوزدەيدى، دەپ حابارلايدى Almaty-akshamy.kz.
قاتىسۋشىلار الەۋمەتتىك جوبالاردى ىسكە اسىرا الادى. سونداي-اق، ولار تالىمگەردەن كەڭەس پەن باعدار الادى. ايتا كەتەيىك، بايقاۋعا 18-28 جاس ارالىعىنداعى جاستار قاتىسادى. قۇجاتتاردى قابىلداۋ 10 تامىزعا دەيىن جالعاسادى. بيىل جوبالاردىڭ ايتارلىقتاي بولىگى ماڭعىستاۋ وبلىسىندا جۇزەگە اسىرىلعالى وتىر.
«قاتىسۋشىلار ءوز جوباسىنىڭ قاي باعىتتا بولاتىنىن شەشكەننەن كەيىن ءبىزدىڭ ۆەب-سايتتا تىركەلىپ، ءوز وتىنىمدەرىن بەرۋى قاجەت. بارلىق تىركەلگەن وتىنىمدەر ەكى كەزەڭدىك ىرىكتەۋدەن وتەدى. الدىمەن تەحنيكالىق ىرىكتەۋ. مۇندا جوبانىڭ نەگىزگى تالاپتارعا سايكەستىگى تەكسەرىلسە، ەكىنشى جوبانىڭ كونكۋرستىق كوميسسيا وتكىزىلەدى»، - دەيدى «ءتۇپقاراعان جاستارى» جاستار قوعامدىق بىرلەستىگىنىڭ جەتەكشىسى ناۋرىزبەك ماعداتوۆ.