قازاقستاندا زەينەتاقى مەن جاردەماقى مولشەرى وسەدى

ماۋسىمنان باستاپ قازاقستاندىقتار جوعارىلاتىلعان زەينەتاقى مەن جاردەماقى الا باستايدى.

«ازاماتتارعا ارنالعان ۇكىمەت» مەملەكەتتىك كورپوراسياسى» ۆەدومستۆوسىنىڭ مالىمەتىنشە، 2022 جىلدىڭ 12 مامىرىندا قابىلدانعان «2022-2024 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭى شەڭبەرىندە 2022 جىلدىڭ 1 ساۋىرىنەن باستاپ ينفلياسيانىڭ 2022 جىلعا ارنالعان ءدالىزىن قايتا قاراۋدى ەسكەرە وتىرىپ، مەملەكەتتىك الەۋمەتتىك ساقتاندىرۋ قورىنان (ءماسق) تولەنەتىن ىنتىماقتى زەينەتاقى مەن الەۋمەتتىك تولەمدەردىڭ مولشەرى قوسىمشا 4 پايىزعا يندەكستەلدى، ال ەڭ تومەنگى كۇنكورىس دەڭگەيى (ەتكد) مەن ايلىق ەسەپتىك كورسەتكىش (اەك) كولەمىنىڭ وزگەرۋىنە بايلانىستى بازالىق زەينەتاقى مەن جاردەماقى مولشەرى 4 پايىزعا ارتتى، دەپ حابارلايدى Almaty-akshamy.kz 

زاڭعا سايكەس 1 ساۋىردەن باستاپ:

ايلىق ەسەپتىك كورسەتكىش (اەك) - 3 180 تەڭگە مولشەرىندە؛
ەڭ تومەنگى زەينەتاقى - 48 032 تەڭگە؛
ەڭ تومەنگى كۇنكورىس دەڭگەيى (ەتكد) - 37 389 تەڭگە؛
بازالىق زەينەتاقى تولەمىنىڭ ەڭ تومەنگى مولشەرى - 20 191 تەڭگە.

ماۋسىم ايىنان باستاپ زەينەتاقى مەن جاردەماقى الۋشىلار  ءساۋىر جانە مامىر ايلارىنىڭ قوسىمشا اقىسىن ەسكەرە وتىرىپ، تولەمدەردى جوعارى مولشەردە الاتىن بولادى.