5،9 ەسەگە ارتتىردى.
2022 جىلعى قاڭتار-ساۋىردە وتكەن جىلدىڭ سايكەس كەزەڭىمەن سالىستىرعاندا، قازاقستاننان قىتايعا كۇنباعىس مايىن جەتكىزۋ 5،9 ەسەگە، $6،8 ملن-نان $40،3 ملن-عا دەيىن ۇلعايدى، دەپ حابارلايدى Almaty-akshamy.kz Eldala.kz سىلتەمە جاساپ.
ەسەپتى كەزەڭدە قازاقستاننان قىتايعا $18،5 ملن كۇنجارا مايى ەكسپورتتالدى.
قازاقستان مەن جۇڭگو اراسىنداعى تاۋار اينالىمى 2022 جىلعى قاڭتار-ساۋىردە $6،5 ملرد قۇرادى، بۇل وتكەن جىلدىڭ ۇقساس كەزەڭىمەن سالىستىرعاندا ($5،2 ملرد) 26،7% - عا جوعارى.
قازاقستاننان قىتايعا ەكسپورت 29%-عا ءوسىپ، $3،6 ملرد قۇرادى، قىتايدان قازاقستانعا يمپورت -23،9%-عا، $2،9 ملرد-قا دەيىن ءوستى. 2022 جىلدىڭ 4 ايىنداعى يمپورت كولەمى وسىنداي كەزەڭدەگى رەكوردتىق ناتيجە بولىپ تابىلادى.
ۇلتتىق ستاتيستيكا بيۋروسىنىڭ دەرەكتەرى بويىنشا، قازاقستاندا 2022 جىلعى قاڭتار-ساۋىردە 2021 جىلعى ۇقساس كەزەڭمەن سالىستىرعاندا تازارتىلماعان كۇنباعىس مايىن ءوندىرۋ 49،7%-عا ءوسىپ، 98 266 توننانى قۇرادى.
تازارتىلعان كۇنباعىس مايىن ءوندىرۋ 13،8%-عا، 50 815 تونناعا دەيىن تومەندەدى.
ەستەرىڭىزگە سالا كەتەيىك، ۆەدومستۆوارالىق كوميسسيا كۇنباعىس تۇقىمدارى مەن كۇنباعىس مايىن شىعارۋعا شەكتەۋلەردى تيىسىنشە 30 قىركۇيەك پەن 31 تامىزعا دەيىن ۇزارتۋ تۋرالى شەشىم قابىلداعان بولاتىن.
1 شىلدەگە دەيىن بەلگىلەنگەن كۇنباعىس تۇقىمدارىنىڭ ەكسپورتىنا قويىلعان شەكتەۋلەر 30 قىركۇيەككە دەيىن ۇزارتىلدى. بۇل رەتتە اكەتۋگە رۇقسات ەتىلگەن ءونىمنىڭ جالپى كولەمى 125 مىڭ توننادان 140 مىڭ تونناعا دەيىن ۇلعايتىلدى.
كۇنباعىس مايىنىڭ ەكسپورتىنا شەكتەۋ قويۋ مەرزىمى 31 تامىزعا دەيىن (بۇرىن 1 ماۋسىمعا دەيىن بولعان) ۇزارتىلدى. كۆوتا كولەمى وزگەرگەن جوق – 114 مىڭ توننا.
اۋىل شارۋاشىلىعى مينيسترلىگى 2022 جىلعى 8 شىلدەدەن كەشىكتىرمەي ءوزىنىڭ ينتەرنەت-رەسۋرسىندا 2022 جىلعى شىلدە-قىركۇيەك ارالىعىندا ق ر اۋماعىنان كۇنباعىس تۇقىمدارىن اكەتۋگە كۆوتا الۋعا وتىنىمدەر قابىلداۋ تۋرالى حابارلاندىرۋ ورنالاستىرادى. حابارلاندىرۋدا بولىنەتىن كۆوتانىڭ اي سايىنعى كولەمى، ءبىر ءوتىنىش بەرۋشى ءۇشىن رۇقسات ەتىلگەن اي سايىنعى ليميت، ىشكى نارىققا كۇنباعىس مايىن كەپىلدەندىرىلگەن جەتكىزۋ كولەمى، قاجەتتى قۇجاتتار تىزبەسى جانە ت.ب. كورسەتىلەدى.