7 پايىزعا ۇلعايىپ، 6،4 ترلن تەڭگەنى قۇرادى.
وسى جىلدىڭ قاڭتار-شىلدەسىندە زاڭدى تۇلعالارعا بەرىلگەن كرەديت 6،4 ترلن تەڭگەنى قۇرادى. بۇل تۋرالى ق ر ۇلتتىق بانك ءتوراعاسى عالىمجان ءپىرماتوۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«اقشا-كرەديت تالاپتارىنىڭ قاتاڭداتىلۋىنا (بازالىق مولشەرلەمەنىڭ ارتۋىنا) قاراماستان، بانكتەر كرەديتتىك بەلسەندىلىگىن جالعاستىرۋدا. وتكەن جىلى ەكىنشى دەڭگەيلى بانكتەردىڭ كرەديتتىك پورتفەلى 18،5 ترلن تەڭگەگە دەيىن 26،5 پايىزعا (3،9 ترلن تەڭگە) ءوستى. وتكەن جىلعى كرەديتتەۋ ءۇردىسىنىڭ جالعاسىن ءبىز بيىلعى جىلى دا بايقاپ وتىرمىز. بيىلعى جىلدىڭ باسىنان باستاپ كرەديتتىك پورتفەل شىلدەدە 20،4 ترلن تەڭگەگە دەيىن 10،1 پايىزعا (1 864،5 ملرد تەڭگە) ارتتى. زاڭدى تۇلعالاردىڭ كرەديتتىك پورتفەلى وتكەن جىلى 7،8 ترلن تەڭگەگە دەيىن 9،3 پايىزعا (661،8 ملرد تەڭگە)، ال بيىل 8،0 ترلن تەڭگەگە دەيىن تاعى 2،9 پايىزعا (222،3 ملرد تەڭگە) ءوستى. ەگەر ەدب-عا جاڭا كرەديتتەر بەرۋدى قاراستىرساق، وندا ولاردىڭ اعىندارى، اسىرەسە زاڭدى تۇلعالارعا بەرىلگەن كرەديتتەر ەكونوميكاداعى ىسكەرلىك بەلسەندىلىكتى ىنتالاندىرادى»، - دەدى ول ءماجىلىس دەپۋاتتارىنىڭ ساۋالىنا بەرگەن جاۋابىندا.
ونىڭ دەرەگىنشە، وتكەن جىلى زاڭدى تۇلعالار 9،9 ترلن تەڭگەگە بۇرىنعى كرەديتتەرىن وتەۋ كەزىندە زاڭدى تۇلعالارعا جاڭا كرەديتتەر بەرۋ 11،1 ترلن تەڭگەگە دەيىن 20،3 پايىزعا ءوستى.
«وسى جىلعى قاڭتار-شىلدە ايلارىندا زاڭدى تۇلعالارعا بەرىلگەن كرەديتتەر وتكەن جىلعى ۇقساس كەزەڭمەن سالىستىرعاندا 7 پايىزعا ۇلعايىپ، 6،4 ترلن تەڭگەنى قۇرادى. ميكروقارجى، كۆازيمەملەكەتتىك، يپوتەكالىق ۇيىمداردىڭ ەكىنشى دەڭگەيلى بانكتەرگە قارىزدارىن قوسا العاندا، كەڭەيتىلگەن انىقتاماداعى كرەديتتەر بيىلعى 1 شىلدەدەگى جاعداي بويىنشا 2022 جىلعى 1-جارتىجىلدىقتا 7،7 پايىزعا ۇلعايىپ، 25،2 ترلن تەڭگەنى قۇرادى»، - دەدى عالىمجان ءپىرماتوۆ.