«New Music Generation 2022» دەپ اتالاتىن مۋزىكالىق دوداعا الەمنىڭ 40 ەلىنەن 170 ونەرپاز قاتىسۋعا نيەت بىلدىرگەن.
ولار ۇسىنعان 300 دەن استام تۋىندىنىڭ ۇزدىگىن شەتەلدەن كەلگەن ەڭ اتاقتى، تاجىريبەلى كومپوزيتورلار انىقتايدى، دەپ حابارلايدى Almaty-akshamy.kz
35 جاسقا دەيىنگى جاستار باعىن سىنايتىن بايقاۋ - زاماناۋي اكادەميالىق مۋزىكانى ناسيحاتتاي وتىرىپ، جاس كومپوزيتورلاردى قولداۋعا مۇمكىندىك بەرەدى. ءارى، ۇلتتىق ونەرىمىزدى دارىپتەپ، قازاقستاننىڭ مادەني تانىمىن نىعايتۋدىڭ دا ماڭىزى زور. كونكۋرس الداعى ءتورت كۇندە ونلاين فورماتتا وتەدى. ەرەكشەلىگى سول بارلىق قاتىسۋشىلاردىڭ ەسىمى ازىرگە بەلگىسىز، ياعني قۇپيا ءسوز ارقىلى قاتىسادى. جەڭىمپازدار ەسىمى 7-قازان كۇنى بەلگىلى بولماق.
«بۇل ۇلكەن دارەجە. ويتكەنى بۇكىل دۇنيەجۇزى وسى كونكۋرس ارقىلى ءبىزدىڭ مەملەكەتىمىز قازاقستاندى ءبىلىپ جاتىر. گەرمانيا، فرانسيا، يتاليا، ۇلىبريتانيا، اقش، وڭتۇستىك امەريكا، شىعىس ەلدەرى، جۇڭگو جاپونيا، وڭتۇستىك كورەيا، تمد ەلدەرىنەن دە قاتىسۋشىلار بار»،- دەيدى قازىلار القاسىنىڭ ءتوراعاسى، كوركەمدىك جەتەكشى راحات-بي ءابدىساعين.