سەناتتا ەسىرتكى قىلمىسىنا قاتىستى زاڭعا ەنگىزىلگەن تۇزەتۋلەر قابىلداندى. جاڭا وزگەرىستەر بويىنشا، «زاكلادچيكتەرگە» جازانى جەڭىلدەتۋ قاراستىرىلسا، ەسىرتكى وندىرۋشىلەرگە قاتىستى جازا، كەرىسىنشە، قاتايتىلماق، دەپ حابارلايدى aqshamnews.kz
ىشكى ىستەر ءمينيسترىنىڭ ورىنباسارى سانجار ءادىلوۆتىڭ مالىمدەۋىنشە، قازاقستانداعى كولونيالاردا شامامەن ءتورت مىڭ ادام ەسىرتكى قىلمىسى ءۇشىن جازاسىن وتەپ جاتىر. ولاردىڭ 1220-سى — ەسىرتكىنى تاراتۋ ءادىسى رەتىندە «زاكلادكا» قولدانعاندار. ەندى وسى ساناتتاعى سوتتالعاندارعا شارتتى تۇردە مەرزىمىنەن بۇرىن بوساتىلۋ (ۋدو) قۇقىعى بەرىلەدى.
«بۇل قالاي جۇزەگە اسادى؟»
ءادىلوۆتىڭ ايتۋىنشا، سوتتالعاندار جازاسىن جەڭىلدەتۋدى سۇراۋ ءۇشىن ەكى جولدى پايدالانا الادى:
- قۇجات تاپسىرۋ ارقىلى جازاسىن وتەۋ ورنىندا ءوتىنىش بەرۋ.
- ادۆوكاتتىڭ كومەگىمەن ارنايى ءوتىنىش راسىمدەۋ.
ءار ءوتىنىش جەكە قارالادى.
سوت ءار جاعدايدى جەكە قاراستىرىپ، زاڭنىڭ تالاپتارىنا سايكەس شەشىم شىعارادى. وسىلايشا، سوتتالعاندار مەرزىمىنەن بۇرىن بوساتىلۋ مۇمكىندىگىنە يە بولادى.
ەسىرتكى قىلمىسىمەن كۇرەستە بۇل قادام زاڭدى ىزگىلەندىرۋ ارەكەتى رەتىندە قاراستىرىلىپ وتىر. الايدا، ەسىرتكى وندىرۋشىلەرگە قاتىستى جازا الدەقايدا قاتاڭ بولاتىنىن ەسكەرگەن ءجون.