YouTube ۆيسە-پرەزيدەنتى ادام ءسميتتىڭ تاراپىنان دا كەڭسە اشۋعا ۇسىنىس بولعان.
سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين YouTubeء-تىڭ ونىمدەردى باسقارۋ جونىندەگى ۆيسە-پرەزيدەنتى ادام سميتپەن كەزدەسۋدە كومپانيانىڭ قازاقستاندا جەرگىلىكتى كەڭسەسىن اشۋدى ۇسىنعانىن ايتتى، دەپ حابارلايدى Almaty-akshamy.kz
"ءبىز جارتى ساعاتقا جۋىق ۋاقىت ءتۇرلى تاقىرىپتا، سونىڭ ىشىندە ءتۇرلى قىزمەت ءتۇرىن اشۋ تۋرالى سويلەستىك. وسى كەزدەسۋدە YouTube ۆيسە-پرەزيدەنتى ادام سميت قازاقستان پايدالانۋشىلارى ءۇشىن YouTube پرەميۋمىنىڭ اشىلعانىن راستادى. مەن سونىمەن بىرگە ءبىزدىڭ ەلدە جەرگىلىكتى وكىلدىك اشۋدى ۇسىندىم. ول قازاقستاندى قاداعالايتىن ەۋروپالىق كەڭسەگە ءتيىستى تاپسىرما بەرگەنىن، ولار ونى پىسىقتاپ، كەيىن جاۋاپ بەرەتىنىن ايتتى"، - دەدى باعدات مۋسين.
مينيستر سيليكون القابىندا YouTube ونىمدەرىن باسقارۋ جونىندەگى ۆيسە-پرەزيدەنت ادام سميتپەن كەزدەستى. كەلىسسوزدەر بارىسىندا قازاقستاندا كومپانيانىڭ ءتۇرلى قىزمەتىنە قولجەتىمدىلىكتى كەڭەيتۋ ماسەلەلەرى تالقىلاندى.