الماتىدا توناۋ قىلمىسىنا قاتىسى بار كۇدىكتىلەر ۇستالدى

تونالعان جابىرلەنۋشى قىلمىس تۋرالى پوليسياعا حابارلاعان.

ونىڭ ايتۋىنشا، كەشكىسىن ۇيىنە قايتىپ كەلە جاتقان كەزدە التىنسارين كوشەسى مەن اباي داڭعىلىنىڭ قيىلىسىندا بەلگىسىز ەكى جىگىت ونى ۇرىپ، ونىڭ قولىنان IPhone تەلەفونىن تارتىپ العان، دەپ حابارلايدى Almaty-akshamy.kz ىىم-گە سىلتەمە جاساپ. 

كەلتىرىلگەن شىعىن كولەمى 400 مىڭ تەڭگەنى قۇرادى. كۇدىكتىلەر قاماۋعا الىندى.

«پوليسياعا جەتكىزىلگەن كۇدىكتىلەر – 2002 جىلى تۋعاندار. جاۋاپ الىپ، بەتتەستىرگەننەن كەيىن جىگىتتەر ءوز كىنالارىن مويىندادى. ايعاقتى زات رەتىندە تەلەفون تاركىلەنىپ، يەسىنە قايتارىلدى. ۇستالعاندار ۋاقىتشا ۇستاۋ يزولياتورىنا قامالدى. اتالعان دەرەك بويىنشا ق ر قك-نىڭ 191-بابى 3-بولىگىنە سايكەس، قىلمىستىق ءىس تىركەلدى. كۇدىكتىلەردىڭ قالانىڭ باسقا اۋداندارىندا بۇرىن جاسالعان وسىعان ۇقساس قىلمىستارعا قاتىسى بار-جوعى انىقتالىپ جاتىر»، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.

تەرگەۋ بارىسىندا كۇدىكتىلەردىڭ ەكى توناۋعا قاتىسى بار ەكەنى انىقتالدى. قىلمىستىق ءىستىڭ باسقا دا مالىمەتتەرى ق ر قپك-نىڭ 201-بابى جانە ق ر كونستيتۋسياسىنىڭ نورماسىنا سايكەس جاريا ەتۋگە جاتپايدى.