بۇل تۋرالى ەكولوگيا، گەولوگيا جانە تابيعي رەسۋرستار ۆيسە-مينيسترى سەرىك قوجانيازوۆ ورتالىق كوممۋنيكاسيالار الاڭىندا وتكەن بريفينگتە مالىمدەدى، دەپ حابارلايدى Almaty-akshamy.kz
«جوسپاردا ماقتا، كۇرىش، پياز سياقتى ىلعالدى كوپ قاجەت ەتەتىن داقىلداردى قىسقارتۋ، تۇركىستان جانە قىزىلوردا وبلىستارىنداعى داقىلدار ەگۋگە ارنالماعان جەرلەردە كۇرىش ەگۋگە جول بەرمەۋ، سونداي-اق اشم مەن جەرگىلىكتى اتقارۋشى ورگاندار اراسىنداعى مەموراندۋمعا سايكەس، كۇرىش القاپتارىنىڭ الاڭدارىن ازايتۋ جونىندەگى شارالار كوزدەلگەن»، – دەدى ۆيسە-مينيستر.
ونىڭ ايتۋىنشا، وڭتۇستىك وڭىرلەردىڭ اكىمدىكتەرىنەن سۋ از بولعان جاعدايدا ۆەگەتاسيا جۇرگىزۋ ءۇشىن شارالار قابىلداۋ بويىنشا ۇسىنىستار سۇرالدى.
سونىمەن قاتار ءوز سوزىندە سپيكەر وزەن باسسەيندەرى بويىنشا سۋ جيناۋ كولەمىن ايتتى.
«قازىرگى ۋاقىتتا سۋ قويمالارى جوسپارلى كەستەلەرگە سايكەس جۇمىس ىستەيدى. جالپى، سۋ تاسقىنى ءقاۋپى بار باسسەيندەردە قار جيناۋ پروسەسى ناۋرىزعا دەيىن جالعاسادى جانە كوكتەمگى كەزەڭگە ارنالعان نەگىزگى گيدرولوگيالىق بولجام 2022 جىلعى 1 ناۋرىزدا ۇسىنىلادى.سۋ توراپتارى ارقىلى تاسقىن سۋلاردى اپاتسىز وتكىزۋدى پايدالانۋ ەرەجەلەرىنە جانە نەگىزگى گيدرولوگيالىق بولجامعا سايكەس جانە تجم جەرگىلىكتى اتقارۋشى ورگاندارىمەن جانە قىزمەتتەرىمەن ۇيلەستىرە وتىرىپ قامتاماسىز ەتىلەتىن بولادى»، – دەدى س. قوجانيازوۆ.