ءىز كەسۋشى يت ءوق-دارى جاسىرىلعان ورىندى تاپتى
ءوق-دارىنى پوليسيانىڭ دوزور ەسىمدى ءىز كەسۋشى ءيتى تاپتى.ولاردىڭ ناقتى كىمگە تيەسىلىگى تەرگەۋ بارىسىندا انىقتالادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«تۇسكە تامان ينسپەكتور-كينولوگ “اباي” بەكەتىنە ىرگەلەس اۋماقتى ارالاپ شىقتى. ءبىر كەزدە جارىلعىش زاتتاردى ىزدەۋگە ماشىقتانعان قىزمەتتىك يت ءيىستى سەزىپ، سەرىكتەسىن شىرشالارى بار الاڭعا جەتەلەدى. ونىڭ ءبىرىنىڭ استىنان 5،45 كاليبرلى كالاشنيكوۆ اۆتوماتىنىڭ 30 دانا پاترونى جانە ەكى بىرلىك جارىق-شۋلى گراناتا تابىلدى. ءوق-دارىنى مەدەۋ اۋداندىق پوليسيا باسقارماسىنىڭ جەدەل تەرگەۋ توبى پروسەسسۋالدىق تارتىپتە تاركىلەدى»، – دەدى مەتروپوليتەندەگى پوليسيا باسقارماسىنىڭ باستىعى ەرىك ناسىربەكوۆ.