الماتىدا جاپپاي تارتىپسىزدىك كەزىندە زارداپ شەككەن 15 شاعىن جانە ورتا بيزنەس نىسانىنا جالپى سوماسى 28 ملن تەڭگە وتەماقى تولەندى
ونىڭ ىشىندە 8 كاسىپكەر بيۋدجەت قاراجاتىنان جالپى سوماسى 14 759 099 تەڭگە، 7 كاسىپكەر «جاڭا الاتاۋ» قوعامدىق قورىنان جالپى سوماسى 13 332 639 تەڭگە وتەماقى الدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
Info Kazakhstan پورتالىنىڭ دەرەكتەرىنە سايكەس، 28 قاڭتارداعى جاعداي بويىنشا، زالالدى قالپىنا كەلتىرۋگە 923 ءوتىنىم بەرىلدى، ونىڭ ىشىندە جۇمىس ىستەۋ ءۇشىن 134 ءوتىنىم قابىلداندى، 17 ءوتىنىمدى كوميسسيا ماقۇلدادى.
الماتىدا زارداپ شەككەن بيزنەس نىساندارىنىڭ سانى 1 674 (ءىرى بيزنەس – 79، شوب – 1595). بيزنەسكە كەلتىرىلگەن زالالدىڭ جالپى سوماسى 72،4 ملرد تەڭگە (ءىرى بيزنەس – 26،8 ملرد تەڭگە، شوب – 45،6 ملرد تەڭگە). بۇعان دەيىن شوب مۇلىكتىك زيانىن انىقتاۋ جونىندەگى وڭىرلىك كوميسسيا 2 ءوتىنىمدى ماقۇلدادى، ولارعا جالپى سوماسى 5 ملن تەڭگەگە تولەم جۇرگىزىلدى.