بۇگىنگى تاڭدا ءبىرىڭعاي پلاتفورمادا 3 مىڭ 400-دەن اسا ۆولونتورلىك ۇيىم جۇمىس ىستەيدى.
ونىڭ قۇرامىنا 51 مىڭعا جۋىق ءۆولونتور كىرەدى، دەپ حابارلايدى Almaty-akshamy.kz
اقمولالىق ەرلى-زايىپتى اندرەي مەن مارينا لۋتوشكيندەر 2014 جىلدان بەرى ۆولونتورلەر قاتارىندا. ەكەۋى وڭىردەگى كوپتەگەن اكسيالاردى، سونىڭ ىشىندە حالىقارالىق جوبالاردى دا وزدەرى باسقارادى.
«ۆولونتورلىك – شىن كوڭىلمەن ىستەسەڭ، وزىڭە ەرەكشە سەزىم سىيلاپ، شابىت بەرەتىن، كەرەمەت اسەرلەرگە تولى ءىس. ءبىز باعىت تاڭدامايمىز. قاي سالاعا كومەگىمىز كەرەك، سول جەردەن تابىلامىز. تالاي ەكولوگيالىق اكسيالارعا، اعارتۋ جۇمىستارى مەن تاريحي ىزدەنىستەرگە دە اتسالىستىق»، - دەيدى ۆولونتەر اندرەي لۋتوشكين.
قازاقستاندا ۆولونتورلىك قىزمەتكە جوعارى دەڭگەيدە نازار اۋدارىلىپ، مارتەبەسى ارتىپ كەلەدى. ال ارنايى ازىرلەنگەن ءموبيلدى قوسىمشا ۆولونتورلىكپەن اينالىسۋعا نيەتتىلەردى قوزعالىسقا تەز ارادا تىركەۋگە جانە ولاردىڭ ءوزارا بايلانىسىن جاقسارتۋعا مۇمكىندىك بەرەدى.
«ءموبيلدى قوسىمشانى جۇكتەپ العان ۋاقىتتا ەكراندا «ءسىز كومەككە مۇقتاجسىز با؟» نەمەسە «كومەك بەرگىڭىز كەلە مە؟» دەگەن سۇراق شىعادى. ەگەر كومەك بەرگىڭىز كەلسە، ءسىز – ءۆولونتورسىز. ءوزىڭىزدى تىركەپ، ءاتى-جونىڭىزدى جازىپ بولعاننان كەيىن، قاي جەردە جانە قانداي ادامعا كومەك كەرەك ەكەندىگى كورسەتىلگەن حابارلاما كەلەدى. بۇل، ءبىر جاعىنان، ادامدار مەن ۆولونتورلەر اراسىنداعى جۇمىستى تەز بايلانىستىرادى»، - دەيدى وبلىستىق «جاستار» رەسۋرستىق ورتالىعىنىڭ جەتەكشىسى ءمانسيا ەسەكەيەۆا.