الداعى دەمالىس كۇندەرگە ارنالعان اۋا رايى بولجامى

جاڭبىر، قار جاۋادى.

«قازگيدرومەت» ماماندارى ناۋرىزدىڭ 26-28 كۇندەرى اۋا رايى قانداي بولاتىنىن بولجادى، دەپ حابارلايدى Almaty-akshamy.kz.

سينوپتيكتەردىڭ بولجامى بويىنشا، سكانديناۆيا اۋداندارىنان كەلەتىن سيكلون، رەسپۋبليكانىڭ باتىس جانە سولتۇستىك وڭىرلەرىنە اۋىسادى، ال قازاقستاننىڭ وڭتۇستىك جانە ورتالىق اۋداندارى وڭتۇستىك سيكلوننىڭ ىقپالىندا قالادى. ول جاڭبىر مەن قار تۇرىندە جاۋىن-شاشىن الىپ كەلەدى.

«ەلدىڭ سولتۇستىگى مەن باتىسىندا وعان قوسا بوران سوعادى. وڭتۇستىكتە نەگىزىنەن جاڭبىر بولجانادى. تاۋلى، تاۋ بوكتەرىندەگى اۋدانداردا قاتتى جاۋىن-شاشىن، تۇمان، كوكتايعاق بولادى.28 ناۋرىزدا ەلدىڭ وڭتۇستىك جانە وڭتۇستىك-شىعىس بولىگىندە جاۋىن-شاشىنسىز اۋا رايى كۇتىلەدى. رەسپۋبليكا بويىنشا جەل كۇشەيەدى. سولتۇستىكتە تۇنگى تەمپەراتۋرا -10...20-دان -5...15 ايازعا دەيىن، كۇندىز 0...-8 ايازدان -5 اياز...+3 جىلۋعا دەيىن بولادى. وڭتۇستىكتە تۇندە -6 اياز...+5 جىلۋ ارالىعىندا، كۇندىز -12...17-دەن -5...10 جىلۋعا دەيىن تومەندەيدى.ەلدىڭ باتىسىندا تۇندە -5 اياز...+5 جىلۋ، كۇندىز تەرمومەتر باعاندارى 0...+10 گرادۋس جىلۋدى كورسەتەدى»، - دەلىنگەن «قازگيدرومەت» رمك حابارلاماسىندا.