مەملەكەت باسشىسى قاسىم-جومارت توقايەۆ استانادا ءوتىپ جاتقان حالىقارالىق ەرىكتىلەر فورۋمىنىڭ ەكىنشى كۇنىندە ۆولونتەرلىكتى دامىتۋدىڭ جاڭا جول كارتاسىن ازىرلەۋدى ۇسىندى، دەپ حابارلايدى Almaty-akshamy.kz.
«بىرىنشىدەن، ستراتەگيالىق ۇستانىمداردى ايقىندايتىن جاڭا جول كارتاسى كەرەك. وسىنداي قۇجاتتى ازىرلەۋ كەرەك. بۇل قۇجات ۆولونتەرلىك قىزمەتكە قۋاتتى سەرپىن بەرىپ، ونىڭ الداعى جىلدارداعى باعىتىن ايقىنداۋعا ءتيىس.
ەكىنشىدەن، ۆولونتەرلىك پەن قايىرىمدىلىق جۇمىستىڭ ەسەپتىلىك جۇيەسىن ەنگىزۋ كەرەك. بۇل باستاما ۆولونتەرلىك قىزمەتتى زاڭناما دەڭگەيىندە ىنتالاندىرۋدىڭ ءتيىمدى تاسىلدەرىن ەنگىزۋگە كومەكتەسەدى»، - دەدى مەملەكەت باسشىسى بەيبىتشىلىك جانە كەلىسىم سارايىندا ءوتىپ جاتقان ءىس-شارادا.