مولشەرى – 362 مىڭ 250 تەڭگە.
الماتى وبلىسىنىڭ تجد شومىلۋ كەزىندە نەگىزگى ەرەجەلەردى ساقتاۋدى سۇرايدى، دەپ حابارلايدى Almaty-akshamy.kz الماتى وبلىسى تجد باسپا ءسوز قىزمەتىنە سىلتەمە جاساپ.
شومىلۋ ماۋسىمى كەزىندە ادامداردىڭ سۋداعى قاۋىپسىزدىگىن قامتاماسىز ەتۋ ماقساتىندا الماتى وبلىسى تجد قىزمەتكەرلەرى كۇن سايىن ءوڭىردىڭ سۋ ايدىندارىندا پروفيلاكتيكالىق رەيدتەر جۇرگىزەدى.
وبلىستىڭ سۋ ايدىندارىندا رەيدتەر جۇرگىزۋ بارىسىندا سۋ ايدىندارىنداعى قاۋىپسىزدىك ەرەجەلەرىن بۇزعانى ءۇشىن، اتاپ ايتقاندا، ماس كۇيىندە سۋعا ءتۇسۋ جانە تىيىم سالىنعان جەرلەردە شومىلعانى ءۇشىن 28 جەكە تۇلعا اقبك-نىڭ 412-بابى «سۋ ايدىندارىنداعى قاۋىپسىزدىك ەرەجەلەرىن بۇزۋ نەمەسە ورىنداماۋ» بويىنشا اكىمشىلىك جاۋاپكەرشىلىككە تارتىلىپ، 362 مىڭ 250 تەڭگە سوماسىنا ايىپپۇل سالىندى.
نەگىزىنەن، جازاتايىم وقيعالارعا ماس دەمالۋشىلار، قاراۋسىز قالعان بالالار جانە تىيىم سالىنعان جەرلەردە شومىلاتىن ازاماتتار ۇشىرايدى.
وسىعان بايلانىستى، الماتى وبلىسىنىڭ تجد سىزدەن شومىلۋ كەزىندە نەگىزگى ەرەجەلەردى ساقتاۋىڭىزدى سۇرايدى.