قازاقستاندا كوروناۆيرۋستىڭ قانداي شتامدارى تىركەلگەندىگى جايىندا گەنەتيكالىق زەرتتەۋ جۇرگىزىلىپ جاتىر. بۇل تۋرالى دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى almaty-akshamy.kz
«مينيسترلىك ۆيرۋستىڭ ەلگە كىرگەن جاعدايى مەن مۋتاسيالىق وزگەرۋىنە مونيتورينگتى قامتاماسىز ەتۋ ءۇشىن تۇراقتى تۇردە ۆيرۋستاردى گەنەتيكالىق زەرتتەۋ جۇرگىزىلىپ جاتىر»، - دەدى الەكسەي سوي ماجىلىستەگى ۇكىمەت ساعاتىندا.
ونىڭ ايتۋىنشا، 2020-2021 جىلدارى 1407 سىناما زەرتتەلدى. وسىنىڭ ناتيجەسىندە ناۋرىزدا «بريتاندىق» Alpha شتامم، «وڭتۇستىكافريكالىق» Beta شتامم، ماۋسىمدا «ۇندىلىك» Delta شتامم، تامىزدا «نيگەريالىق» Eta شتامم انىقتالدى.
«SARS-CoV-2 ۆيرۋسىنىڭ ءتۇرلى نۇسقالارىنىڭ تارالۋىن انىقتاۋ مەن مونيتورينگىلەۋ جۇمىستارى جالعاسىپ جاتىر»، - دەدى مينيستر.