ەلىمىزدىڭ ءبىلىم بەرۋ سالاسىندا ماماندار تاپشىلىعى بايقالادى
مەكتەپتەر مەن كوللەدجدەردە جانە جوعارى وقۋ ورىندارىندا بىلىكتى كادرلاردىڭ جەتىسپەۋشىلىگى ءداستۇرلى وقۋ فورماتىنا قايتا ورالعاننان كەيىن بايقالدى. اسىرەسە، دەنە شىنىقتىرۋ مەن سپورت مۇعالىمدەرى جەتىسپەي جاتىر، دەپ حابارلايدى Almaty-akshamy.kz
ەڭبەك رەسۋرستارىن دامىتۋ ورتالىعىنىڭ دەرەگى بويىنشا، ەلەكتروندىق ەڭبەك بيرجاسىندا وتكەن ايدا كاسىپورىندار شامامەن 138 مىڭ بوس جۇمىس ورنىن ۇسىنعان. ال جۇمىس ىزدەپ جۇرگەندەر تاراپىنان 62 مىڭنان استام تۇيىندەمە قابىلدانعان.
ەڭبەك نارىعىندا قازاندىق وپەراتورلارى مەن ماشينيستەرىنە جانە وت جاعۋشىلارعا سۇرانىس كوپ. بۇل ماماندىق يەلەرىنە 3 مىڭنان استام بوس ورىن بار. سونداي-اق زاڭگەرلەر مەن قارجىگەرلەر دە تاپشى.
ايتا كەتسەك، ۇمىتكەرلەر اراسىندا باسەكەلەستىك جوعارى. ماسەلەن، قارجى سالاسىنىڭ ماماندارىنا ارنالعان 24 بوس ورىنعا 238 تۇيىندەمە بەرىلگەن.