ەلىمىزدە اعىمداعى جىلدىڭ 9 ايى ىشىندە 1929 ەسىرتكى قىلمىسى تىركەلگەن. بۇل تۋرالى ق ر ىشكى ىستەر مينيسترلىگى ەسىرتكى قىلمىسىنا قارسى ءىس-قيمىل دەپارتامەنتىنىڭ باسقارما باستىعى بەرىكحان نۇرعالييەۆ ايتتى، دەپ حابارلايدى almaty-akshamy.kz
«وسى جىلدىڭ 9 ايىندا 1929 ەسىرتكى قىلمىسى انىقتالدى. ونىڭ ىشىندە 1136 ەسىرتكى وتكىزۋ فاكتىسى جانە 326 ناشانى ءىرى كولەمدە ساقتاۋ فاكتىسى بار. ۇيىمداسقان 7 قىلمىستىق توپتىڭ جولى كەسىلدى. ولاردىڭ ۇستىنەن توپتاردى قۇردى جانە باسقاردى دەگەن كۇدىكپەن 13 قىلمىستىق ءىس قوزعالدى. 12 توننادان استام ءار-تۇرلى ەسىرتكى قۇرالدارى الىندى، ونىڭ ىشىندە 4،9 كگ گەروين، 9 توننادان استام ماريحۋانا، 376 كگ گاشيش جانە 107 كگ سينتەتيكالىق ەسىرتكى بار»، - دەدى باسقارما باستىعى ونلاين بريفينگىدە.
ونىڭ ايتۋىنا قاراعاندا، جىل باسىنان بەرى ساقشىلار 13 ەسىرتكى زەرتحاناسىنىڭ كوزىن جويعان. اتاپ ايتساق، نۇر-سۇلتاندا – 2، قاراعاندى وبلىسىندا – 4، الماتىدا – 3، سولتۇستىك قازاقستان وبلىسىندا – 3، اقتوبە وبلىسىندا – 1 زەرتحانا تابىلعان.