اتالعان مەرەكەنى بەكىتۋ سالا قىزمەتكەرلەرىن ىنتالاندىرۋعا ىقپال ەتەدى.
قازاقستاندا ۆەتەريناريا قىزمەتكەرلەرىنىڭ كاسىبي مەرەكەسى بەكىتىلۋى مۇمكىن. بۇل تۋرالى اشىق تالقىعا شىعارىلعان ۇكىمەت قاۋلىسىندا جازىلعان، دەپ حابارلايدى Almaty-akshamy.kz.
«ەپيزووتيالىق جاعدايدىڭ ساۋلىعى جانە مال شارۋاشىلىعى ونىمدەرىنىڭ ەكسپورتتىق الەۋەتىنىڭ ارتۋى ءقاۋىپسىز ءونىم ءوندىرۋدى قامتاماسىز ەتەتىن ۆەتەريناريا جۇيەسىمەن تىعىز بايلانىستى. بۇگىنگى كۇنى قازاقستاندا مالشىلار كۇنى، ورمان شارۋاشىلىعى قىزمەتكەرى كۇنى، اۋىل شارۋاشىلىعى، تاماق جانە قايتا وڭدەۋ ونەركاسىبى قىزمەتكەرلەرى كۇنى، بالىق شارۋاشىلىعى قىزمەتكەرلەرى كۇنى سياقتى كاسىبي مەرەكەلەر بار. الايدا، بۇگىنگى كۇنى ۆەتەريناريا سالاسىنداعى قىزمەتكەرلەردىڭ وزدەرىنىڭ كاسىبي مەرەكەلەرىن اتاپ ءوتۋ مۇمكىندىگى جوق جانە وسىنداي مەرەكە بولماعاندىقتان، ءبىرىڭعاي كاسىبي قوعامداستىق سالاسىنا وزدەرىنىڭ قاتىستىلىعىن سەزىنبەيدى. سوندىقتان 10 شىلدە - ق ر «ۆەتەريناريا تۋرالى» زاڭى قابىلدانعان كۇندى ۆەتەريناريا قىزمەتكەرى كۇنى دەپ ايقىنداۋدى ۇسىنامىز»، - دەپ جازىلعان قۇجاتتا.
اۋىل شارۋاشىلىعى مينيسترلىگىنىڭ مالىمەتىنە ساي، اتالعان مەرەكەنى بەكىتۋ سالا قىزمەتكەرلەرىن ىنتالاندىرۋعا جانە ۆەتەريناريانىڭ ستراتەگيالىق ماڭىزدىلىعىن ايقىنداۋعا سەپ بولماق.
قۇجاتتى اشىق تالقىلاۋ 14 جەلتوقسانعا دەيىن جالعاسادى.