جۇمىستار ءتيىستى دەڭگەيدە جۇرگىزىلىپ جاتىر.
ەكىباستۇزداعى توتەنشە جاعدايعا بايلانىستى شۇعىل شاقىرىلعان جۇمىسشىلار ماراپاتتالادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«توتەنشە جاعدايعا شۇعىل شاقىرىلعان جۇمىسشىلار قالاي ماراپاتتالادى؟ ولارعا اقشالاي سىياقى تولەنە مە؟ كەي جۇمىسشىلار ماقتاۋ قاعازىمەن شەكتەلەمىز بە دەپ قورقادى»، - دەپ سۇراق قويدى تىلشىلەر ەكىباستۇزدا وتكەن باسپا ءسوز كونفەرەنسياسىندا.
«شۇعىل شاقىرىلعان قىزمەتكەرلەرگە كەلسەك، بۇل ماسەلە ءقازىردىڭ وزىندە قاراستىرىلىپ جاتىر. وسى جۇمىستار اياقتالعاننان كەيىن بارلىعى ماراپات، سىياقى الادى. جۇمىستار ءتيىستى دەڭگەيدە جۇرگىزىلىپ جاتىر. ادامدار قيىن جاعدايلارعا قاراماستان، جانقيارلىقپەن جۇمىس ىستەۋدە. بۇل ەڭبەك لايىقتى باعالانادى»، - دەدى «پاۆلودارەنەرگو» اق باس ديرەكتورىنىڭ مىندەتىن اتقارۋشى ۆاديم لەسين.
بۇعان دەيىن پرەمەر-مينيستردىڭ ورىنباسارى سەرىك جۇمانعارين كەشكە دەيىن بارلىق كوپ قاباتتى ۇيلەرگە جىلۋ بەرىلەتىنىن ايتقان ەدى.