كريشتيانۋ رونالدۋ ساۋديالىق «ال-ناسر» كلۋبىنا اۋىسۋى مۇمكىن

رونالدۋعا 2،5 جىلعا كەلىسىمشارت ۇسىنعان. 

پورتۋگاليا قۇراماسىنىڭ شابۋىلشىسى ءارى كاپيتانى كريشتيانۋ رونالدۋ ساۋد ارابياسىنىڭ «ال-ناسر» كلۋبىنا اۋىسۋى مۇمكىن، دەپ حابارلايدى Almaty-akshamy.kz قازاقپاراتقا سىتەمە جاساپ.

يسپانيالىق «Marca» گازەتىنىڭ جازۋىنشا، «ال-ناسر» كلۋبىنىڭ باسشىلىعى رونالدۋعا 2،5 جىلعا كەلىسىمشارت ۇسىنعان.

كەلىسىم بويىنشا پورتۋگاليالىق ويىنشى جىلىنا 200 ملن ەۋرو تاباتىن بولادى. بۇعان ونىڭ جالاقىسى مەن جارنامالىق كەلىسىمشارتتارى كىرەدى.

باسقا كلۋبتار مۇنداي ءىرى كولەمدەگى كەلىسىمشارتتى ۇسىنا المايتىندىقتان، رونالدۋدىڭ اتالمىش كوماندانىڭ قاتارىنان تابىلۋى ابدەن ىقتيمال.

قازىرگى كەزدە ك.رونالدۋدىڭ پورتۋگاليا قۇراماسى ساپىندا قاتارداعى الەم چەمپيوناتىنا قاتىسىپ جاتقانى بەلگىلى. ول – وسى دۇنيەجۇزىلىك دوداداعى كلۋبسىز جۇرگەن جالعىز ويىنشى. پورتۋگاليا H توبىندا العاشقى ەكى كەزدەسۋىندە جەڭىسكە قول جەتكىزىپ، سوڭعى ويىننىڭ ناتيجەسىنە قاراماستان، پلەي-وفف كەزەڭىنە شىقتى.

ەسكە سالا كەتەيىك، بۇدان بۇرىن كريشتيانۋ رونالدۋدىڭ «مانچەستەر يۋنايتەد» كلۋبىنان كەتكەنىن، پورتۋگاليانىڭ فرانسيا مەن برازيليادان كەيىن پلەي-وفف كەزەڭىنە شىققانىن جازعان بولاتىنبىز.

سونداي-اق يران-اقش ماچى نەسىمەن الەم نازارىن اۋدارىپ وتىر.

ەكۆادوردى جولدان تايدىرعان سەنەگال پلەي-وفقا شىقتى.

نيدەرلاند قۇراماسىنىڭ شابۋىلشىسى ءوز ەلىنىڭ رەكوردىن ورناتتى.

يراندى جەڭگەن اقش پلەي-وفقا جولداما الدى.