ەلىمىزدەگى زايسان، قاتونقاراعاي جانە كەندىرلى ايماقتارىندا جاڭا اۋەجايلار سالىنادى. بۇل تۋرالى پرەزيدەنت قاسىم-جومارت توقايەۆتىڭ قاتىسۋىمەن وتكەن ۇكىمەتتىڭ كەڭەيتىلگەن وتىرىسىندا پرەمەر-مينيستر ولجاس بەكتەنوۆ مالىمدەدى. جاڭا اۋەجايلار كۋرورتتىق ايماقتاردىڭ تۋريستىك الەۋەتىن ارتتىرۋ ماقساتىندا سالىنباق، دەپ حابارلايدى aqshamnews.kz
– «اۆياسيالىق ينفراقۇرىلىمى بار ۇشۋ-قونۋ جولاقتارىنىڭ قۇرىلىسى زايسان، قاتونقاراعاي جانە كەندىرلى ايماقتارىندا جۇزەگە اسادى. بۇل تانىمال دەمالىس ورىندارىنىڭ تۋريستىك تارتىمدىلىعىن ايتارلىقتاي ارتتىرادى»، – دەدى بەكتەنوۆ.
سونىمەن قاتار، ەلىمىزدىڭ كولىك-لوگيستيكالىق الەۋەتىن دامىتۋ ماقساتىندا اقتاۋدا اۋە حابىن قۇرۋ جوباسى قاراستىرىلۋدا. تەمىرجول ينفراقۇرىلىمى بويىنشا ماڭىزدى جوبالار قاتارىندا:
«مويىنتى – قىزىلجار» تەمىرجول جەلىسىنىڭ قۇرىلىسى؛
«التىنكول – جەتىگەن» ۋچاسكەسىنىڭ ەكىنشى جولدارىنىڭ سالىنۋى.
بۇدان بولەك، بيىل «دوستىق – مويىنتى» تەمىرجولى مەن الماتى قالاسىنىڭ اينالما جولىنىڭ قۇرىلىسى اياقتالۋى جوسپارلانىپ وتىر.
بۇل جوبالار ەلدىڭ ينفراقۇرىلىمىن دامىتىپ، تۋريزم مەن لوگيستيكا سالالارىنىڭ الەۋەتىن ارتتىرۋعا باعىتتالعان.