ازاماتتاردى ونلاين-قابىلداۋدى وتكىزۋگە جول بەرىلەدى.
ق ر ءىىم ۋچاسكەلىك پوليسيا پۋنكتىنىڭ جۇمىسىن ۇيىمداستىرۋعا جاۋاپتى ۋچاسكەلىك پوليسيا ينسپەكتورلارى مەن ولاردىڭ كومەكشىلەرىنىڭ قىزمەتىن ۇيىمداستىرۋ قاعيدالارىن ازىرلەدى، دەپ حابارلايدى Almaty-akshamy.kz Egemen.kz سىلتەمە جاساپ.
قۇجاتقا سايكەس، لاۋازىمعا تاعايىندالعان ساتتەن باستاپ ءبىر اي ىشىندە ۋچاسكەلىك ينسپەكتور ءوزىنىڭ اكىمشىلىك ۋچاسكەسىن پاتەرلەردى (اۋلالاردى) ارالاپ، الىنعان اقپاراتتى اكىمشىلىك ۋچاسكەنىڭ ەلەكتروندىق پاسپورتىنا ەنگىزۋى ءتيىس.
ۋچاسكەلىك ينسپەكتورلاردىڭ ازاماتتاردى قابىلداۋى ۋچاسكەلىك پوليسيا پۋنكتىندە ساعات 17:00-دەن 20:00-گە دەيىن جۇزەگە اسىرىلادى، سونداي-اق جۇمىس كۇنى ىشىندە ازاماتتاردى ونلاين-قابىلداۋدى وتكىزۋگە جول بەرىلەدى.
ۋچاسكەلىك پوليسيا ينسپەكتورى مەن ونىڭ كومەكشىسىنىڭ جۇمىس ۋاقىتىنىڭ ۇزاقتىعى ق ر ىشكى ىستەر ورگاندارىندا قىزمەت وتكەرۋ تۋرالى ەرەجەگە سايكەس بەلگىلەنەدى، ءبىراق ەڭبەك زاڭناماسىندا بەلگىلەنگەن سەگىز ساعاتتان اسپايدى.
قاجەت بولعان جاعدايدا ولار بەلگىلەنگەن ۋاقىتتان تىس، سونداي-اق تۇنگى ۋاقىتتا، دەمالىس جانە مەرەكە كۇندەرى قىزمەتتىك مىندەتتەرىن ورىنداۋعا تارتىلۋى مۇمكىن.
ۋچاسكەلىك پوليسيا ينسپەكتورىنىڭ مىندەتىنە مىنالار كىرەدى:
رەسيديۆتى، تۇرمىستىق، الكوگول قىلمىسى قۇقىقبۇزۋشىلىقتارىنىڭ الدىن الۋ، ولارعا ىقپال ەتەتىن سەبەپتەر مەن جاعدايلاردى انىقتاۋ؛
ىشكى ىستەر ورگاندارىندا پروفيلاكتيكالىق ەسەپتە تۇرعان ادامدارعا قاتىستى قۇقىق بۇزۋشىلىقتاردىڭ جەكە پروفيلاكتيكاسى؛
سەنىپ تاپسىرىلعان اكىمشىلىك ۋچاسكەدە ونىڭ ەرەكشەلىكتەرىمەن تانىسۋ، حالىقپەن تىعىز قارىم-قاتىناس ورناتۋ، ازاماتتارعا كومەك كورسەتۋ جانە قۇقىققا قارسى ارەكەتتەردىڭ جولىن كەسۋ ارقىلى قاۋىپسىزدىك پەن قۇقىقتىق ءتارتىپتى قامتاماسىز ەتۋ؛
زاڭنامادا بەلگىلەنگەن قۇزىرەتى شەگىندە اكىمشىلىك ءىس جۇرگىزۋ؛
دەنساۋلىق ساقتاۋ ورگاندارىنا، ۇيىمدار مەن كاسىپورىندارعا سۇراۋ سالۋ؛
ءىس جۇرگىزۋدەگى اكىمشىلىك قۇقىق بۇزۋشىلىق تۋرالى ىستەر بويىنشا ساراپتاما تاعايىنداۋ تۋرالى قاۋلىلارعا قول قويۋ جانە ولاردى جىبەرۋ؛
پوليسيانىڭ كەشەندى كۇشتەرىنىڭ ناريادتارىمەن ءوزارا ءىس-قيمىل جاساۋ.