جۇڭگو قازاقستاندىقتاردى ۆيزاسىز كىرگىزۋدى قاراستىرۋدا

قازاقستان دا وسىنداي قادامعا بارماق.

جۇڭگو قازاقستاندىقتار ءۇشىن 14 كۇنگە ۆيزاسىز رەجيم ەنگىزۋ مۇمكىندىگىن قاراستىرۋدا، دەپ حابارلايدى Almaty-akshamy.kz

قازاقستاننىڭ قىتايداعى ەلشىسى شاحرات نۇرىشيەۆ قحر-دىڭ مادەنيەت جانە تۋريزم ءمينيسترى حۋ حەپينمەن كەزدەسۋ وتكىزدى.

«قازاقستاندىق تاراپتىڭ قحر ازاماتتارى ءۇشىن 14 كۇنگە ۆيزاسىز رەجيم ەنگىزۋ بويىنشا جوسپارىن ەسكەرە وتىرىپ، ەلشى بەيجىڭنىڭ قازاقستان ازاماتتارى ءۇشىن دە وسىنداي رەجيمدى ىسكە قوسۋ ماسەلەسىن كوتەردى»، – دەپ جازىلعان حابارلامادا.

تاراپتار قازاقستاننىڭ قىتايداعى ەلشىلىگى مەن قحر-دىڭ مادەنيەت جانە تۋريزم مينيسترلىگى اراسىندا، ونىڭ ىشىندە شىۇ، اوسشك شەڭبەرىندە مادەنيەت جانە تۋريزم سالاسىندا ءىس-شارالار وتكىزۋ جانە «ورتالىق ازيا – جۇڭگو» مەملەكەت باسشىلارىنىڭ ونلاين ءسامميتىنىڭ قورىتىندىسى بويىنشا قابىلدانعان شارتتاردى ىسكە اسىرۋ ءۇشىن بىرلەسە جۇمىس ىستەۋگە كەلىستى.

ەسكە سالا كەتسەك، 2022 جىلدىڭ ماۋسىم ايىنىڭ ورتاسىندا ق ر مادەنيەت جانە سپورت ۆيسە-مينيسترى ەرجان ەركىنبايەۆ يران، جۇڭگو، ءۇندىستان ازاماتتارى ءۇشىن ۆيزاسىز رەجيم ەنگىزۋ بويىنشا جۇمىس جۇرگىزىلىپ جاتقانىن حابارلاعان بولاتىن.