بۇدان بۇرىن تۇركىتىلدەس ەلدەردىڭ مەكتەپ باعدارلامالارىنا ورتاق پاندەر ەنگىزىلمەك بولعانىن حابارلاعانبىز.
وقۋ-اعارتۋ مينيسترلىگى بۇل اقپاراتتى جوققا شىعاردى، دەپ حابارلايدى Almaty-akshamy.kz
بۇعان دەيىن حالىقارالىق تۇركى اكادەمياسى عىلىمي كەڭەسىنىڭ V وتىرىسىندا «ورتاق تۇركى تاريحى»، «ورتاق تۇركى ادەبيەتى» جانە «تۇركى الەمىنىڭ گەوگرافياسى» وقۋلىقتارىنىڭ جارىققا شىعاتىنى تۋرالى ايتىلعان.
ۆەدومستۆونىڭ اقپاراتىنا سەنسەك، مەكتەپتەردە وسى باعىت بويىنشا جاڭا پاندەر ەنگىزىلمەيدى.
«بۇل جەردە اڭگىمە فاكۋلتاتيۆ رەتىندە قوسىمشا تاڭداۋعا بولاتىن كۋرس جايىندا بولىپ وتىر. ياعني وقۋشىلار ءوز قالاۋى بويىنشا تۇركى الەمىن زەرتتەۋ ءۇشىن قوسىمشا ءبىلىم الا الادى» دەپ ءمالىم ەتتى مينيسترلىكتەن.