قازاقستاندا تۋريزم سالاسىنىڭ دەرەكتەرىن تالداۋعا نەگىزدەلگەن جوبا ىسكە قوسىلدى

حالىقارالىق تۋريزم جانە مەيماندوستىق ۋنيۆەرسيتەتى (IUTH) ءبىرىنشى كەزەكتە تۋريزم سالاسىنداعى قولدانبالى عىلىمي جوبالاردى ىسكە اسىرۋمەن اينالىساتىن عىلىمي-زەرتتەۋ ورتالىعىن اشتى، دەپ حابارلايدى اlmaty-akshamy.kz. 

بۇل جوبالاردى ەكونوميكا سەكتورىندا كوممەرسيالاندىرۋ ارقىلى ءىس جۇزىندە قولدانۋعا بولادى.

عىلىمي-زەرتتەۋ ورتالىعى جوبالارىنىڭ ءبىرى – «ۇلكەن دەرەكتەردى تالداۋ (Big Data) جانە قازاقستان ءتۋريزمىن الەمدىك دەڭگەيگە جەتكىزۋ جانە جاقسارتۋ ءۇشىن ساياحاتشىلاردىڭ پىكىرلەرىنە نەگىزدەپ ءماتىندى وڭدەۋ».

ورتالىق قىزمەتكەرلەرى سەنتيمەنتالدى تالداۋ جانە ستاتيستيكالىق مودەلدەۋ (text analysis) ادىستەرىن پايدالانا وتىرىپ تۋريزم سالاسىنىڭ نەگىزگى ءۇش بولىگى – ورنالاستىرۋ ورىندارى (Hotels and Hostels)، تاماق جانە سۋسىندار (Food and Beverage)، سونىمەن قاتار كورىكتى جەرلەر (Attractive places) بويىنشا قازاقستاندا بولعان تۋريستەردىڭ پىكىرى مەن شولۋىنا TripAdvisor پلاتفورماسىندا ماتىندىك تالداۋ جۇرگىزەدى. سونداي-اق قازاقستانداعى تۋريستىك سالانىڭ جاي-كۇيى ايقىندالىپ، ءتۋريزمدى دامىتۋ ۇسىنىستارى ازىرلەنەدى.

بۇدان بولەك، زەرتتەۋ جۇمىسى كەزىندە تۋريستەردىڭ زەرتتەۋى، پىكىرى، ۇسىنىستارى مەن قاجەتتىلىكتەرى انىقتالىپ، ەلىشىلىك جانە حالىقارالىق مارشرۋتتار بويىنشا ناقتى جوسپار مەن تۋريستىك ۇسىنىستار ازىرلەنەدى.

حالىقارالىق تۋريزم جانە مەيماندوستىق ۋنيۆەرسيتەتى (International University of tourism and hospitality) – تۋريزم، قوناقجايلىلىق جانە دەمالىس سالاسىندا حالىقارالىق دەڭگەيدەگى بىلىكتى مامانداردى دايارلايتىن قازاقستانداعى العاشقى مەملەكەتتىك بەيىندى ۋنيۆەرسيتەت.